अणसूर दाडोबाचा मंदिर सुवर्ण कलशारोहण सोहळा उत्साहात संपन्न
konkansamwad
Apr 15, 2025 11:41
312
0
वेंगुर्ला
वेंगुर्ला तालुक्यातील खालचे अणसूर येथील श्री देव दाडोबा मंदिर सुवर्ण कलशारोहण सोहळा मोठ्या उत्साहात व भक्तीपुर्ण वातावरणात साजरा झाला.यानिमित्ताने १२ रोजी स. १० वा. श्री देव दाडोबा प्रवेशद्वाराचे उद्घाटन संपन्न झाले. सायं. ४ वा. प्रायश्चित विधी, ५ वा. स्थानिक महिलांच्या लेझीम पथकासह शिखर कलशाचे सवाद्य मिरवणुकीने आगमन झाले. दुस-या दिवशी रविवारी स. ७. ३० ते १. ३० वा. गणपती पूजन, मंगलाचरण, देवताना आमंत्रण, सामुदायिक प्रार्थना, संप्रोक्षण विधी, होम, मंत्रपुष्पांजली, आरती, दुपारी २ वा. महाप्रसाद, सायं. ६ वा. स्थानिक भजने, सायं. ७.३० वा, मंदिरात आरती, १३ पूर्णाहिती, श्रेयोदान, सामुदायिक १० वा. दशावतार नाटक सादर करण्यात आले. सोमवारी सकाळी १०,५५ वा. शिखर कलश शिखर प्रतिष्ठापना भक्ती पुर्ण वातावरण व हजारो भाविकांच्या उपस्थितीत संपन्न झाला. त्यानंतर कलश स्नपन होम, हरिहर यागांगभूत सुक्त, मंत्रपुष्पांजली, दुपारी २ वा. महाप्रसाद, सायं. ६ वा. स्थानिक भजने सादर करण्यात आली.
