इंडिया पोस्ट पेमेंट्स बँकेने सुरू केली 'ग्रुप ॲक्सिडेंट गार्ड पॉलिसी'

सिंधुदुर्ग

      इंडिया पोस्ट पेमेंट्स बँकेने 'ग्रुप ॲक्सिडेंट गार्ड पॉलिसी' सुरू केली आहे, जी सर्वसामान्यांना परवडणाऱ्या प्रिमियममध्ये उपलब्ध आहे. ही पॉलिसी अपघातामुळे होणारा मृत्यू, अपघाती रुग्णालयात दाखल होणे तसेच कायमस्वरुपी पूर्ण किंवा अंशत: अपंगत्व अशा परिस्थितींमध्ये आर्थिक संरक्षण प्रदान करते.

पॉलिसीचे प्रमुख लाभ

- अपघाती मृत्यूच्या प्रसंगी विमा संरक्षण
- अपघातामुळे रुग्णालयात दाखल झाल्यास विमा संरक्षण
- कायमस्वरूपी पूर्ण किंवा अंशतः अपंगत्वासाठी आर्थिक भरपाई
- परवडणाऱ्या प्रिमियममध्ये अर्थपूर्ण विमा संरक्षण
- सुलभ नोंदणी व सोपी, त्रासमुक्त दावा प्रक्रिया
- मृत विमाधारकाच्या मुलांसाठी शिष्यवृत्ती सुविधा

वार्षिक प्रिमियम आणि विमा रक्कम

- रु. ३२८ प्रति वर्ष रु. ५,००,०००/- विमा रक्कम
- रु. ५४८ प्रति वर्ष रु. १०,००,०००/- विमा रक्कम
- रु.७४९ प्रति वर्ष रु. १५,००,०००/- विमा रक्कम

      ही पॉलिसी आयपीपीबी बचत खातेधारकांना नजीकच्या पोस्ट ऑफिस, पोस्टमन किंवा ग्रामीण डाक सेवक यांच्या माध्यमातून सहजपणे मिळू शकते. इंडिया पोस्टचे व्यापक जाळे विमा सेवा शेवटच्या टप्प्यापर्यंत पोहोचवण्यात महत्त्वाची भूमिका बजावत आहे.

अधिक माहितीसाठी

इंडिया पोस्ट पेमेंट्स बँकेच्या अधिकृत वेबसाइटवर किंवा जवळच्या पोस्ट ऑफिसमध्ये संपर्क साधावा.