वेंगुर्ला शिवसेनेची सक्षम कार्यकारणी ४ दिवसात स्थापन करणार - विद्याधर परब

वेंगुर्ला

        जिल्हा परिषद व पंचायत समिती निवडणुकीपूर्वी शिवसेनेची वेंगुर्ले तालुक्याची सक्षम तालुका कार्यकारणी येत्या ४ दिवसात स्थापन करण्यात येणार आहे. संघटना मजबूत करून या निवडणुकीला सामोरे जाणार आहोत. मात्र निवडणुका स्वबळावर की युती करून लढवणार याबाबत वरिष्ठ स्तरावरून निर्णय घेतला जाईल. अशी माहिती शिवसेना पक्ष निरीक्षक विद्याधर परब यांनी पत्रकार परिषदेत दिली.
   यावेळी शिवसेना जिल्हा समन्वयक सचिन वालावलकर, प्रभारी तालुकाप्रमुख सचिन देसाई, नवनिर्वाचित नगरसेविका लीना म्हापणकर, कोचरा सरपंच योगेश तेली, तालुका संघटक बाळा दळवी, आडेली विभागप्रमुख मितेश परब, कौशिक परब, सत्यवान साटेलकर, अमित गावडे आदी उपस्थित होते.यावेळी सचिन वालावलकर म्हणाले की, सावंतवाडी व वेंगुर्ला नगरपरिषद निवडणुकीत आ. दिपक केसरकर व जिल्हाप्रमुख संजू परब यांनी चांगले काम केले. मतदारांची चांगला प्रतिसाद मिळाला. दरम्यान आगामी जि. प. पं. स. निवडणुकीमध्ये आ. केसरकर यांच्या पाठीशी शिवसेना पदाधिकारी भक्कम उभे राहणार आहोत. तालुक्यात नव्याने संघटना बांधणी करून कार्यकर्त्यांनाही बळ दिले जाणार आहे. यावेळी त्यांनी वेंगुर्लावासीय नागरिक यांचे आभार व्यक्त केले. आणि नववर्षाच्या शुभेच्छा दिल्या. तर प्रभारी तालुकाप्रमुख सचिन देसाई म्हणाले, सर्वप्रथम पक्ष हा मोठा आहे. पक्षांने दिलेली जबाबदारी कार्यकारिणी व संघटना मजबूत करण्यासाठी  तालुकास्तरावर दौरा करणार आहोत. आगामी निवडणुकीच्या आधी तालुक्यात मजबूत संघटना उभी केली जाईल. आ. दिपक केसरकर, आ. निलेश राणे यांचे मार्गदर्शन घेऊन पक्ष वाढीसाठी प्रयत्न करू असे त्यांनी सांगितले.