नादब्रह्म युवा महोत्सव: युवकांच्या कलेला व्यासपीठ

वेंगुर्ला

      बॅरिस्टर बाळासाहेब खर्डेकर महाविद्यालयातर्फे "नादब्रह्म" युवा महोत्सवाचे आयोजन १२ व १३ जानेवारी २०२६ रोजी सिद्धिविनायक हॉल, वेंगुर्ला येथे करण्यात आले आहे. या महोत्सवात विविध सांस्कृतिक व साहित्यिक स्पर्धांचे आयोजन करण्यात आले असून, विद्यार्थ्यांना आपली कला सादर करण्याची उत्तम संधी मिळणार आहे.

प्रमुख पाहुण्यांची उपस्थित

या महोत्सवासाठी प्रमुख पाहुणे म्हणून सिंधुदुर्ग जिल्हा मध्यवर्ती सहकारी बँकेचे अध्यक्ष मनीष दळवी, नामांकित बांधकाम व्यवसायिक रघुवीर उर्फ भाई मंत्री, युवा नेते विशाल परब आणि वेंगुर्ला नगरपरिषदेचे नगराध्यक्ष राजन गिरप यांची उपस्थिती लाभणार आहे. त्यांच्या उपस्थितीमुळे या महोत्सवाचे महत्त्व अधिक वाढणार आहे.

महोत्सवाचे उद्दिष्ट

युवकांचा सर्वांगीण विकास, भारतीय संस्कृती व परंपरेचे जतन व संवर्धन, तसेच युवकांमधील सुप्त कलागुणांना हक्काचे व्यासपीठ उपलब्ध करून देणे, हा या महोत्सवाचा प्रमुख उद्देश आहे. युवकांमध्ये आत्मविश्वास वाढवणे, नेतृत्वगुण विकसित करणे आणि सांस्कृतिक जाणीवा दृढ करणे, या दृष्टीने हा महोत्सव अत्यंत उपयुक्त ठरणार आहे.

स्पर्धा आणि कार्यक्रम

या महोत्सवात पारंपरिक लोकनृत्य, काव्यवाचन, फॅशन शो, उत्कृष्ट वेशभूषा, एकांकिका, गायन-वादन अशा विविध सांस्कृतिक व साहित्यिक स्पर्धांचे आयोजन करण्यात आले आहे. या स्पर्धांमुळे विद्यार्थ्यांमधील सर्जनशीलता आणि कलात्मकता अधिक वृद्धिंगत होणार आहे.

आयोजकांचा विश्वास

या "नादब्रह्म" युवा महोत्सवाला युवकांचा मोठा प्रतिसाद लाभेल आणि हा महोत्सव विद्यार्थ्यांच्या सांस्कृतिक जीवनात एक संस्मरणीय ठसा उमटवेल, असा विश्वास आयोजकांनी व्यक्त केला आहे.