नवरात्र सहावा दिवस : कात्यायनी स्वरूप

        शारदीय नवरात्रोत्सव भक्ती आणि श्रद्धेचे प्रतीक आहे. या नऊ दिवसांमध्ये, प्रत्येक दिवस एका विशेष रंगाला समर्पित असतो, ज्याचे स्वतःचे महत्त्व आणि संदेश आहे. नवरात्रीचे शुभ रंग केवळ देवीचे आशीर्वाद मिळविण्यात मदत करतात असे नाही तर जीवनात सकारात्मक ऊर्जा देखील भरतात. दरवर्षी, नवरात्रीच्या नऊ दिवसांमध्ये, भाविक देवीच्या नऊ वेगवेगळ्या रूपांची पूजा करतात. धार्मिक श्रद्धेनुसार, या दिवसांच्या प्रत्येक दिवसाचा स्वतःचा एक खास रंग असतो, जो देवीचे गुण आणि आशीर्वाद प्रतिबिंबित करतो.या दिवशी प्रामुख्याने परिधान केला जाणारा रंग म्हणजे राखाडी. राखाडी किंवा करडा हा परिपक्वतेचा रंग आहे. करडा रंग संतुलन आणि आंतरिक शांती दर्शवतो. हा रंग परिधान केल्याने भक्ताला मानसिक शांती मिळते असे मानले जाते. राखाडी रंग लवचिकता आणि धैर्याचे प्रतीक आहे, जो कोणत्याही परिस्थितीत टिकून राहण्याची प्रेरणा देतो. हा रंग वाईट गोष्टींवर मात करण्याची शक्ती आणि धैर्याचे महत्त्व दर्शवतो. राखाडी रंग आत्म-शुद्धीकरणाशी संबंधित असतो, जो जुन्या सवयी आणि नकारात्मकतेतून बाहेर येण्यास मदत करतो.
    नवरात्रीतील कात्यायनी स्वरूप हे नवरात्रीच्या सहाव्या दिवशी पूजले जाणारे दुर्गा देवीचे रूप आहे. या देवीला महर्षी कात्यायनांनी आदिशक्तीचा अवतार मानले जाते, म्हणूनच तिला कात्यायनी म्हणतात. ही देवी अत्याचारी महिषासुराचा वध करणारी असून, ती युद्धाची देवी मानली जाते. कात्यायनी देवीची पूजा केल्याने भक्तांच्या जीवनातील रोग, भय आणि क्रोधाचा नाश होउन मनोकामना पूर्ण होतात. जेव्हा देवी किरणांच्या रूपात प्रकट झाली तेव्हा त्यांच्या एकत्रित शक्तींना नवरात्रोत्सवाच्या सहाव्या दिवशी तिची पूजा केली जाते.वामन पुराणात तिच्या निर्मितीची आख्यायिका  सांगितली जाते की "जेव्हा देवांनी  संकट प्रसंगी विष्णूचा धावा केला, तेव्हा त्यांनी आणि त्यांच्या आज्ञेनुसार शिव, ब्रह्मा आणि इतर देवतांनी त्यांच्या डोळ्यांतून आणि चेहऱ्यातून अशा ज्वाला सोडल्या की तेजस्वी पर्वत निर्माण झाला, ज्यापासून कात्यायनी प्रकट झाली, ती हजार सूर्यांसारखी तेजस्वी, तीन डोळे, काळे केस आणि अठरा हात असलेली होती. शिवाने तिला आपला त्रिशूळ, विष्णूचे सुदर्शन चक्र, शंख, अग्निचा बाण, वायुचा धनुष्य, सूर्याच्या बाणांनी भरलेला भाता, इंद्राचा वज्र, कुबेराची गदा, ब्रह्म देवांची जपमाळ, पाण्याचे भांडे, ढाल, तलवार अशी सशस्त्र घेऊन कात्यायनी म्हैसूरच्या टेकड्यांकडे निघाली. तिथे, असुरांनी तिला पाहिले आणि तिच्या सौंदर्याने मोहित होऊन त्यांनी  राजा महिषासुराकडे तिचे वर्णन केले. आणि सहाजिकच तो तिच्याबद्दल उत्सुक झाला. तिचा हात मागितल्यावर तिने त्याला सांगितले की तिला युद्धात जिंकलेच पाहिजे. त्याने महिषाचे, बैलाचे रूप धारण केले आणि लढाई केली; शेवटी दुर्गा तिच्या सिंहावरून उतरली आणि महिषाच्या पाठीवर उडी मारली, जो बैलाच्या रूपात होता आणि तिच्या कोमल पायांनी त्याच्या डोक्यावर इतका भयानक वार केला की तो बेशुद्ध होऊन जमिनीवर पडला. मग तिने तिच्या तलवारीने त्याचे डोके कापले आणि तेव्हापासूनच ती महिषासुरमर्दिनी म्हणून प्रचलित झाली.