देव आदिनारायण देवस्थानचा रथसप्तमी उत्सव २३ ते २५ जानेवारीदरम्यान

परुळे

      परुळे येथील श्री. देव आदिनारायण देवस्थान परुळे येथे  रथसप्तमी उत्सव शुक्रवार दि. २३ ते रविवार दि. २५ जानेवारी २०२६ दरम्यान भक्तिभावाने संपन्न होत आहे.शुक्रवार दि. २३ जानेवारी रोजी सकाळी ७ वाजता उत्सवाची सुरुवात होणार असून सकाळी ८ वाजता लघुसौर व धार्मिक कार्यक्रम पार पडतील. सायंकाळी ४ वाजता औदुंबर येथील ह.भ.प. श्री. वासुदेव शास्त्री जोशी यांचे कीर्तन होईल. रात्री ७ वाजता आरती, तर रात्री ८.३० वाजता दुर्वांकुर प्रोडक्शन, दोडामार्ग (सिंधुदुर्ग) निर्मित वसंत कानेटकर लिखित व गणेश ठाकूर दिग्दर्शित “रायगडला जेव्हा जाग येते” हा नाट्यप्रयोग सादर होणार आहे.शनिवार दि. २४ जानेवारी रोजी सकाळी ६ वाजता धार्मिक कार्यक्रम, सायंकाळी ४ वाजता ह.भ.प. श्री. वासुदेव शास्त्री जोशी यांचे कीर्तन, सायं. ७ वाजता आरती व रात्री ८.३० वाजता गायन सेवा कार्यक्रम होणार असून त्यात गायिका केतकी भावे जोशी, डॉ. तेजस्विनी देसाई व श्री. दाजी गोसावी सहभागी होणार आहेत. निवेदन श्री. प्रदीप देसाई करणार आहेत.रविवार दि. २५ जानेवारी रोजी रथसप्तमी उत्सवानिमित्त सकाळी ६ वाजता धार्मिक कार्यक्रम, दुपारी १२ वाजता तेजोनिधी भगवान श्री. आदिनारायण यांची रथाधिष्ठ महापूजा, दुपारी १ वाजता महाप्रसाद, दुपारी ३ वाजता सार्वजनिक हळदीकुंकू कार्यक्रम होईल. सायंकाळी ४ वाजता लोणी–शिर्डी येथील ह.भ.प. श्री. प्रभंजन भगत यांचे कीर्तन, सायं. ७ वाजता आरती व ७.३० वाजता शालेय स्पर्धा बक्षीस वितरण व सत्कार समारंभ पार पडेल.रात्री ९ वाजल्यापासून श्रींची सवाद्य पालखी प्रदक्षिणा, रात्री ११ वाजता श्री. भाऊ नाईक (वेतोरे) यांचे कीर्तन व रात्री १.३० वाजता जय हनुमान दशावतार नाट्य मंडळ, आरोस यांचे नाटक सादर होणार आहे. तरी या सर्व धार्मिक व सांस्कृतिक कार्यक्रमांचा भाविकांनी मोठ्या संख्येने लाभ घ्यावा, असे आवाहन श्री. आदिनारायण देवस्थान, परुळे यांच्यावतीने करण्यात आले आहे.