ट्रक चालकाचा ताबा सुटल्याने करूळ घाटात अपघात......सुदैवाने जीवितहानी नाही
konkansamwad
Jul 4, 2025 12:40
206
0
वैभववाडी
ट्रक चालकाचा ताबा सुटल्याने करूळ घाटात ट्रक संरक्षक कठड्याला धडकून अपघात झाला. सुदैवाने ट्रक तिथेच थांबल्याने मोठा अनर्थ टळला. अन्यथा दरीत कोसळून मोठा अपघात झाला असता. याबाबत अधिक माहिती अशी की, चालक सुनील गेनू जाधव (वय ३८, रा. आनंद नगर, कासार्डे) हा आपल्या ताब्यातील ट्रक घेऊन कोल्हापूर ते कासार्डे असा प्रवास करत होता. ट्रक करुळ घाटात आला असता चालकाचे ट्रकवरील नियंत्रण सुटले आणि ट्रक घाटातील संरक्षक कठड्याला धडकला. या अपघातात कोणीही जखमी झालेले नाही. अपघाताची माहिती मिळताच वैभववाडी पोलीस निरीक्षक मनोज सोनवलकर यांनी आपल्या सहकारी कर्मचाऱ्यांसह घटनास्थळी धाव घेत अपघाताची माहिती घेतली.
