जम्मू काश्मीरमधील कठुआमध्ये झालेल्या दहशतवादी हल्ल्यात पाच जवानांना हौतात्म्य; लष्करी वाहनावर केला हल्ला.
konkansamwad
Jul 9, 2024 11:36
198
0
जम्मू-काश्मीर.
जम्मू-काश्मीरमधील कठुआ जिल्ह्यातील बिल्लावर भागात सोमवार, ८ जुलै रोजी लष्कराच्या वाहनावर दहशतवाद्यांनी हल्ला केला. या हल्ल्यात पाच जवान हुतात्मा झाले आहेत. कठुआ येथे झालेल्या या दहशतवादी हल्ल्यात पाच जण जखमी झाले असून त्यांच्यावर रुग्णालयात उपचार सुरू आहेत. हा हल्ला करणाऱ्या दहशतवाद्यांचा शोध घेण्यासाठी लष्कराकडून मोठ्या प्रमाणात सर्च ऑपरेशन राबाविण्य्त येत आहे.
जम्मू काश्मीरच्या कठुआ जिल्ह्यातील बिल्लावर भागातून लष्कराचे वाहन जात असताना अचानक या वाहनावर गोळीबार करण्यात आला. माहितीनुसार, दहशतवाद्यांनी एका टेकडीवरून लष्कराच्या वाहनावर गोळीबार केला. शिवाय या दहशतवाद्यांनी लष्कराच्या वाहनावर ग्रेनेडही फेकले. दहशतवाद्यांनी केलेल्या हल्ल्यानंतर या संपूर्ण भागात मोठ्या प्रमाणावर शोध मोहीम राबविण्यात आली आहे. सुरुवातीला सहा जवान जखमी झाले असून त्यापैकी दोन जणांची प्रकृती चिंताजनक असल्याची माहिती समोर आली होती. यानंतर काही वेळाने पाच जवान हुतात्मा झाल्याची बातमी समोर आली.
