कणकवली नगरपंचायत निवडणुकीत पुन्हा समीर नलावडे विरुद्ध संदेश पारकर ?

कणकवली

        बाजारपेठेतील ठाकरे शिवसेनेचे जिल्हाप्रमुख संदेश पारकर यांच्या निवासस्थानी महाविकास आघाडीतील घटक पक्षांच्या प्रमुख कार्यकर्त्यांची बैठक पार पडली. यात कार्यकर्त्यांनी कणकवली शहरातील भ्रष्टाचार रोखण्यासाठी, आपली कणकवली वाचवण्यासाठी संदेश पारकर यांनीच नगराध्यक्ष पदाच्या निवडणूकीत उतरावे असा आग्रह धरला, त्यावेळी संदेश पारकर यांनी एकमताने पहिल्यांदा १७ ही प्रभागात प्रत्येकी १ उमेदवार निश्चित करा, नंतरच माझी भूमिका मी स्पष्ट करेन, असे सांगितले. त्यामुळे कणकवली नगरपंचायत नगराध्यक्ष पदाच्या निवडणूकीत संभाव्य भाजपाचे उमेदवार समीर नलावडे विरुध्द संदेश पारकर अशी पुन्हा लढत होण्याची शक्यता निर्माण झाली आहे.
       ठाकरे शिवसेनेचे जिल्हाप्रमुख संदेश पारकर यांच्या कणकवली येथील निवासस्थानी महाविकास आघाडीतील घटक पक्षांची बैठक झाली. या बैठकीला काँग्रेसचे ज्येष्ठ नेते अनिल डेगवेकर, युवा सेना जिल्हाप्रमुख सुशांत नाईक, तालुकाप्रमुख प्रथमेश सावंत, कन्हैया पारकर, काँग्रेस तालुकाध्यक्ष प्रदीप मांजरेकर, राष्ट्रवादीचे संदेश मयेकर, माजी नगरसेवक प्रसाद अंधारी, युवा सेना तालुकाप्रमुख उत्तम लोके, संकेत नाईक, उमेश वाळके, योगेश मुंज, सोहम वाळके, जयेश धुमाळे, सोमा गायकवाड, सुशील आळवे, तेजस राणे, सुदीप कांबळे, सुजित जाधव, दादा परब, दिव्या साळगावकर, सी.आर. चव्हाण, अविनाश सावंत, वैभव मालंडकर, आदित्य सापळे, सुशील आळवे, जय शेट्ये, सोमा गायकवाड यांच्यासह शहरातील सामाजिक कार्यकर्ते, प्रमुख मान्यवर बैठकीत सहभागी झाले होते.