नवरात्र आठवा दिवस : महागौरी स्वरूप

         नवरात्रीचा प्रत्येक दिवस हा एका वेगळ्या रंगाने सजलेला असतो. हे रंग केवळ वस्त्रांचे किंवा दागिन्यांचे अलंकार नसतात, तर ते आपल्या मनोभूमिकेचे, भावना आणि श्रद्धेचे प्रतिबिंब असतात. आठव्या दिवशी नवरात्रीच्या रंगात मोरपंखी हा रंग उजळतो. मोरपंखी म्हणजेच हिरवा आणि निळा यांच्या अद्भुत संगमातून निर्माण झालेला सौंदर्यातील शुद्ध आस्वाद. या रंगाकडे पहाताना अंतर्मनाची गंगा शांत होते, मनःशांतीचे दरवळ उमलतात आणि भक्तीची लहर अंगावर झुलते.या दिवशीची देवी म्हणजे महागौरी. तिचे अलंकारित रूप जितके साधे, त्याहूनही अधिक प्रभावशाली आहे. महागौरीचे वर्ण चंद्रासारखे शुभ्र, ती शांततेचे प्रतीक मानली जाते. तिच्या हातातील त्रिशूल आणि डमरू या शक्तीच्या आणि सुरक्षेच्या प्रतीकांमुळे भक्ताला निश्चिंतीचा आधार मिळतो. मोरपंखी रंग या दिवशी परिधान केल्याने आपण देवीच्या त्या शांत परंतु समर्थ स्वरूपाशी तादात्म्य पावतो.मोरपंखी रंगात एक गूढ गहनता आहे. मोराच्या पंखातील निळसर हिरवाई जशी दृष्टीला मोहवते, तशीच महागौरीची करुणा भक्तांच्या जीवनात आनंद आणि सौंदर्य भरते. ज्या प्रकारे मोरपंख अज्ञान, वाईट विचार यांना बाजूला सारून तेजस्वीपणा आणि सजलता प्रकट करतो, त्याचप्रमाणे देवी महागौरी भक्तांच्या जीवनातील दुःखाचे सावट दूर करून आशेची प्रभा पसरवते.नवरात्रीचे आठवे पाऊल म्हणजे भक्तीच्या मार्गावरील आणखी एक महत्त्वाचे टप्पे गाठणे. सुरुवातीच्या रंगांमधून आपण शक्ती, उत्साह आणि स्थैर्य अनुभवत आलो आहोत; पण आता मोरपंखी रंगाने मनाला एक वेगळाच आध्यात्मिक सागर गवसतो. हा रंग आपल्या आत्म्याशी बोलतो, त्याला शांत करतो आणि भक्तिरसाचे तरलपण वाढवतो.महागौरीचे स्वरूप म्हणजे स्वच्छता, निर्मळता आणि पावित्र्य. जसे निळाशार आकाश अमर्याद आहे, तसेच तिचे सौंदर्य आणि करुणा ही सर्वव्यापक आहेत. ती केवळ पापांचा नाश करणारी नाही, तर ती भक्तांच्या जीवनातील अंधारात दिव्य ज्योत प्रज्वलित करणारी आहे.महागौरीचे स्वरूप म्हणजे स्वच्छता, निर्मळता आणि पावित्र्य. जसे निळाशार आकाश अमर्याद आहे, अगाध आहे, तसेच तिचे सौंदर्य आणि करुणा ही सर्वव्यापक आहेत. ती केवळ पापांचा नाश करणारी नाही, तर ती भक्तांच्या जीवनातील अंधारात दिव्य ज्योत प्रज्वलित करणारी आहे. या दिवशी मोरपंखी रंग परिधान करून देवीसमोर उभे राहिल्यावर भक्ताला जाणवते की त्याचे मन जणू अंतर्मुख होते. बाहेरच्या जगातील कल्लोळ, व्यवहारांचे ओझे, दुःखांचे सावट हे सगळे हळूहळू विरघळू लागते. देवीच्या करुणामय मुखचंद्राकडे पाहताना मनाला जणू शांतीचा, स्थैर्याचा आणि निश्चिंतीचा अमृतधारा मिळतो.अनेक भक्त आठव्या दिवशी उपवास करून देवीला आवाहन करतात. या उपवासात फक्त आहाराचा त्याग नसतो, तर मनाच्या प्रवृत्तींचे शुद्धीकरणही असते. मोरपंखी रंगाच्या या दिवशी मनाचे दार उघडल्यावर भक्ताला जाणवते की महागौरीच्या कृपेने त्याचा आत्मा निर्मळ होत आहे आणि जीवनाच्या प्रत्येक कोपऱ्यात शांततेचे पंख पसरत आहेत.नवरात्रीचा आठवा दिवस म्हणजे भक्तिचे शुद्ध सौंदर्य अनुभवण्याचा क्षण आहे. मोरपंखी रंग हा केवळ वस्त्राचा रंग नाही, तर अध्यात्माचा, करुणेचा आणि विश्वाच्या सौंदर्याचा प्रतीक आहे. महागौरीचे रूप या रंगात एकरूप होते आणि भक्तांना जीवनाचा खरा अर्थ समजावते  की जगाच्या गोंधळात देखील शांती शोधता येते, दुःखाच्या अंधारात देखील प्रकाश सापडतो आणि श्रद्धेने भक्ती केल्यावर देवीची करुणा आपल्याला उन्नत बनवते.