ठाकरे गटाची स्टार प्रचारकांची यादी जाहीर. स्टार प्रचारकांच्या यादीत उपनेत्या महीला जिल्हा प्रमुख जान्हवी सावंत यांचा समावेश.

सिंधुदुर्ग.

  लोकसभा निवडणुकीसाठी येत्या काही दिवसांतच प्रचाराच्या तोफा धडाडू लागतील.त्यासाठी राजकीय पक्षांनी जोरदार तयारी केली आहे.उद्धव बाळासाहेब ठाकरे शिवसेनेने ही  आपल्या स्टार प्रचारकांची यादी आज जाहीर केली आहे. त्यामध्ये शिवसेना पक्षप्रमुख उद्धव ठाकरे आणि शिवसेना नेते-युवासेना प्रमुख आदित्य ठाकरे यांच्यासह ४० स्टार प्रचारकांचा समावेश आहे.
   पक्षप्रमुख उद्धव ठाकरे यांच्या आदेशाने स्टार प्रचारकांची यादी जाहीर करण्यात आली.उध्दव बाळासाहेब ठाकरे शिवसेना मध्यवर्ती कार्यालयातून ती प्रसिद्धीसाठी देण्यात आली.स्टार प्रचारकांमध्ये उध्दव बाळासाहेब ठाकरे शिवसेना नेते सुभाष देसाई, उध्दव बाळासाहेब ठाकरे शिवसेना नेते, खासदार संजय राऊत, नेते अनंत गिते, चंद्रकांत खैरे, खासदार अरविंद सावंत, आमदार भास्कर जाधव, खासदार अनिल देसाई, विनायक राऊत, आमदार ॲड अनिल परब, खासदार राजन विचारे, आमदार सुनील प्रभू यांचा समावेश आहे. उध्दव बाळासाहेब ठाकरे शिवसेना नेत्यांबरोबरच विधान परिषदेचे विरोधी पक्षनेते अंबादास दानवे, उध्दव बाळासाहेब ठाकरे शिवसेना सचिव आदेश बांदेकर, व युवासेनेचे सचिव वरुण सरदेसाई, उपनेते रवींद्र मिर्लेकर, विशाखा राऊत, नितीन बानुगडे-पाटील, लक्ष्मण वडले, प्रियांका चतुर्वेदी, सचिन अहिर, मनोज जामसुतकर, सुषमा अंधारे, संजय जाधव, किशोरी पेडणेकर, उपनेत्या ज्योती ठाकरे, संजना घाडी, शीतल शेठ-देवरुखकर, जान्हवी सावंत, शरद कोळी, खासदार ओमराजे निंबाळकर, आमदार सुनील शिंदे, विलास पोतनीस, वैभव नाईक, नितीन देशमुख, आनंद दुबे, किरण माने, सुभाष वानखेडे आणि प्रियंका जोशी यांचाही या यादीमध्ये समावेश आहे.