परुळे बाजारच्या ऋतुजा राऊळ यांना आदर्श अंगणवाडी सेविका तर राजश्री परुळेकर यांना आदर्श मदतनीस पुरस्काराने सन्मानित.
konkansamwad
Mar 14, 2024 05:05
177
0
वेंगुर्ला.
परुळेबाजार ग्रामपंचायतीच्या शिरपेचात आणखी एक मानाचा तुरा अंगणवाडी परुळेबाजार आदर्श अंगणवाडी.
आदर्श अंगणवाडी सेविका ऋतुजा लक्ष्मण राऊळ व आदर्श मदतनीस राजश्री परुळेकर यांना आदर्श पुरस्कार प्रदान करण्यात आला.जिल्हा परिषद सिंधुदुर्ग महिला व बाल विकास विभाग मार्फत एकात्मीक वालविकास सेवा योजनाक्षेत्रात उल्लेखनीय काम केल्याबद्दल सन २०२३-२४ करीता हे पुरस्कार देण्यात आले.
मुख्यकार्यकारी अधिकारी डॉ.उदय पाटील जिल्हा कार्यक्रम अधिकारी संतोष भोसले यासह मान्यवर यावेळी उपस्थित होते. यावेळी बालविकास वेंगुर्ला प्रभाग परुळेच्या पर्यवेक्षीका शर्मिष्ठा सामंत यांनाही आदर्श पुरस्कार देण्यात आला. परुळेबाजार अंगणवाडीला आतापर्यंत विविध जिल्हा परिषदा, पंचायत समिती, ग्रामपंचायतींनी भेट देऊन पाहणी केले व गौरवोद्गार काढले आहेत. परुळेबाजार अंगणवाडी सह गावांतील चारही अंगणवाडी या डिजीटल आहेत व त्यासाठी परुळेबाजार ग्रामपंचायत त्यांना सर्वतोपरी सहकार्य करीत असते व सर्व अंगणवाडी कर्मचारी चांगल्या प्रकारे काम करीत आहेत. या सर्वाचे हे फळ आहे.या पुरस्कारामुळे परुळेबाजार गावाच्या शिरपेचात आणखी एक मानाचा तुरा लागला आहे.सर्व पुरस्कार विजेत्याचे अभिनंदन करण्यात येत आहे.
