कुडाळ दशावतारी संघटनेच्या अध्यक्षपदी चारूदत्त तेंडोलकर यांची निवड.
konkansamwad
Oct 10, 2023 11:57
405
0
कुडाळ
आंदुर्ले गावचे सुपुत्र चारूदत्त तेंडोलकर यांची कुडाळ दशावतारी संघटनेच्या अध्यक्षपदी एकमताने निवड करण्यात आलेली आहे.
चारूदत्त तेंडोलकर यांची दशावतारी कलाकारांप्रती असलेली आत्मियता, कलाकारांसाठी असलेली तळमळ यामुळेच ते दशावतारी कलाकारांसाठी विशेष प्रयत्न करताना कायम दिसतात.त्यांचा कार्याची प्रशंसा करण्यासाठी आणि शुभेच्छा देण्यासाठी अरूण तांडेल, अजित सर्वेकर, सचिन मुणगेकर, गोकुळदास पिंगुळकर,आनंद परब यांनी त्यांच्या घरी भेट दिली.
निवड झाल्यानंतर कुडाळ तालुक्यातील दशावतारी कलाकारांना संघटित करून कलाकारांच्या विविध प्रश्नांना वाचा फोडून त्यांना एक व्यासपीठ तयार करून देण्याचा त्यांचा संकल्प असल्याचे विचार त्यांनी भेटीवेळी व्यक्त केले.त्यांच्या कार्यास आणि भविष्यातील वाटचालीस आंदुर्ले ग्रामस्थांकडून शुभेच्छा देण्यात आल्या.
