गणपती बाप्पा मोरया

       श्रावण–भाद्रपदाचा पावसाळी सुगंध, आभाळभर ढगांचे जलरंग, झाडांच्या फांद्यांवरून टपटपणारे थेंब आणि मनामनांतून दरवळणारी भक्ती यांचा सुंदर मिलाफ म्हणजेच ‘गणेशोत्सव’. गणपती बाप्पाच्या आगमनाने प्रत्येक घर, प्रत्येक वाडा, प्रत्येक गल्ली आनंदाच्या सोहळ्याने उजळते. “ये रे बाप्पा, ये रे…” या हाकेसोबत मातीच्या मूर्तीमध्ये प्राण फुंकला जातो आणि भक्तिसागराचा अद्वितीय प्रवास सुरू होतो.गणेशोत्सव म्हटल की आनंद, भक्ती आणि एकत्रितपणाचा सोहळा सगळ्यांच्या मनाला उर्जित करतो. ‘श्रीगणेशा’च्या नामस्मरणाने प्रत्येक कार्याची सुरुवात मंगलमय होते, हृदयात श्रद्धा जागवली जाते आणि घराघरामध्ये बाप्पाच्या आगमनाने वातावरण पवित्र व मंगलमय होते. या शुभ क्षणी केलेल्या गणेशपूजेने केवळ देवत्वाची अनुभूती होत नाही, तर आपल्या अंतःकरणातील विघ्नांचाही नाश होतो. आपल्याला नेहमी मार्गदर्शन करणारा, संकटसमयी धीर देणारा आणि यशाच्या शिखराकडे नेणारा विघ्नहर्ता श्रीगणेश हा भक्तांच्या जीवनात एक नवीन उमेद व सकारात्मकता निर्माण करतो. या पवित्र गणेशचतुर्थीच्या निमित्ताने आपण सर्वजण मिळून गणरायाकडे एकच प्रार्थना करू या–की त्याच्या कृपेचे आशीर्वाद प्रत्येकाच्या आयुष्यात मंगलमय सुख, शांती आणि समृद्धी घेऊन येवोत." गणपती म्हणजे फक्त विघ्नहर्ता देव नव्हे तर तो आपल्या जीवनातील आशा, एकता, समाधान आणि प्रगतीचे द्योतक आहे. गणेशोत्सव हा फक्त धार्मिक सोहळा नसून सामाजिक ऐक्य, सांस्कृतिक जाणीव आणि उत्साहाचा एक अद्भुत संगम आहे. गणेश चतुर्थी म्हणजे नुसता उत्सव नाही, तर आपल्या जीवनात आनंद, शांती आणि सकारात्मकतेची नवी उगमवाट आहे. प्रत्येक घरात, प्रत्येक मनात “गणपती बाप्पा मोरया” चा जयघोष दुमदुमतो आणि वातावरण भक्तिभावाने पवित्र होत. मंगलमूर्ती बाप्पा जेव्हा आपल्या घरी येतात, तेव्हा जणू सुख-समृद्धी, सौख्य आणि समाधानाचा वर्षाव करतात. गणेशाची आराधना म्हणजे विघ्नहर्त्याकडे आपल्या जीवनातील अडथळे दूर करण्याची प्रार्थना, नव्या सुरुवातीच, आशीर्वादाच आमंत्रण. श्रीगणेशाचे मोठे कान आपल्याला शिकवतात की अधिक ऐका आणि कमी बोला; त्यांचा उज्वल चेहरा सदैव आनंदाने जगण्याची प्रेरणा देतो. या पवित्र गणेशपूजेच्या प्रसंगी, चला आपण सर्वजण मनाने, विचारांनी आणि कृतींनी बाप्पाला आपल्या जीवनात आमंत्रित करू, ज्यामुळे तो आशीर्वादाच्या रूपाने आपल्याला ज्ञान, धैर्य आणि सकारात्मकता देईल.

“गणपती बाप्पाच्या आगमनान प्रत्येक घर आनंदमय आणि प्रत्येक हृदय भक्तिमय होवो, हीच प्रार्थना”