महाराष्ट्रात 288 विधानसभा मतदारसंघात 20 नोव्हेंबरला मतदान

konkansamwad Oct 15, 2024 04:28 163 0

महाराष्ट्रातील विधानसभा निवडणुकांच्या तारखांची घोषणा करण्यात आली आहे. महाराष्ट्रात 288 विधानसभा मतदारसंघात मतदान होणार आहे. केंद्रीय निवडणूक आयोगाने आज पत्रकार परिषद घेत तारखांची घोषणा केली आहे. त्यानुसार, महाराष्ट्रात एकाच टप्प्यात निवडणूक होणार आहे.

निवडणूक आयोगाने दिलेल्या माहितीनुसार, महाराष्ट्रात आजपासून आचारसंहिता लागू झाली आहे. दरम्यान इच्छुक उमेदवारांसाठी 29 ऑक्टोबर अर्ज करण्याची शेवटची तारीख असेल. अर्जांची छाननी करण्यासाठी 30 ऑक्टोबरपर्यंत मुदत असेल. तसंच जर उमेदवारांनी अर्ज मागे घ्यायचा असेल तर 4 नोव्हेंबरपर्यंत संधी असेल.
दरम्यान 20 नोव्हेंबरला संपूर्ण महाराष्ट्रात 288 मतदारसंघांमध्ये मतदान होईल. निवडणूक एकाच टप्प्यात होणार असल्याने एकाच वेळी सगळीकडे मतदान होईल. यानंतर 23 नोव्हेंबरला मतमोजणी होणार असून, राज्यात कोणाचं सरकार स्थापन होणार हे निश्चित होईल. महाराष्ट्रात सत्तास्थापनेसाठी बहुमताचा 145 चा आकडा पार करावा लागणार आहे. दरम्यान निवडणूक आयोगाने 25 नोव्हेंबरपर्यंत संपूर्ण निवडणूक प्रक्रिया पूर्ण करण्यास सांगितलं आहे.