रवींद्र चव्हाण यांची प्रदेशाध्यक्षपदी निवडीबद्दल सावंतवाडी भाजपकडून जल्लोष

सावंतवाडी

      भारतीय जनता पक्षाचे नेते माजी मंत्री रवींद्र चव्हाण यांची भाजपच्या महाराष्ट्र प्रदेशाध्यक्षपदी निवड झाल्याबद्दल सावंतवाडी भाजप कार्यकर्त्यांनी मोठा जल्लोष साजरा केला. यावेळी "चव्हाण साहेब, तुम आगे बढो, हम तुम्हारे साथ है!" आणि "भारतीय जनता पार्टीचा विजय असो" अशा घोषणांनी परिसर दणाणून सोडण्यात आला. कार्यकर्त्यांनी फटाके फोडून आणि मिठाई वाटून आपला आनंद व्यक्त केला. कोकणचे सुपुत्र रवींद्र चव्हाण यांच्या निवडीमुळे कोकणात भाजप अधिक मजबूत होईल, असा विश्वास सावंतवाडी खरेदी-विक्री संघाचे चेअरमन प्रमोद गावडे यांनी व्यक्त केला. ते म्हणाले की, या निवडीमुळे पक्षाला कोकणात मोठी गती मिळेल आणि संघटना अधिक बळकट होईल. माजी तालुकाध्यक्ष रवींद्र मडगावकर यांनीही या निवडीचे स्वागत केले. "संपूर्ण महाराष्ट्रात आनंदोत्सव साजरा होत असून, सावंतवाडी तालुक्यातील भाजपच्यावतीने आम्ही त्यांचे अभिनंदन करतो," असे मडगावकर म्हणाले. त्यांनी सांगितले की, चव्हाण यांच्या नेतृत्वाखाली पक्ष पुढील काळात अधिक उंची गाठेल.यावेळी जिल्हा बँक संचालक रवींद्र मडगावकर, जिल्हा चिटणीस महेश धुरी, सावंतवाडी खरेदी-विक्री संघ चेअरमन प्रमोद गावडे, माजी नगरसेवक गुरु मठकर, शहर उपाध्यक्ष सुकन्या टोपले, शहर उपाध्यक्ष ज्योती मुद्राळे, शहर सरचिटणीस मेघना साळगावकर, माजी शहराध्यक्ष अॅड. संजू शिरोडकर, दशरथ मांजरेकर, दत्ताराम कोळमेकर, उल्हास परब, गणेशप्रसाद पेडणेकर, संजय शिरसाठ, राजन राणे, ज्ञानदीप राऊळ, कुणाल श्रृंगारे, नागेश जगताप, मधुकर देसाई, प्रवीण देसाई, योगेश गवळी यांच्यासह भाजपचे अनेक कार्यकर्ते आणि पदाधिकारी मोठ्या संख्येने उपस्थित होते.