माऊली मित्र मंडळ कणकवली आणि जुना भाजी मार्केट व्यापारी मित्र मित्रमंडळाच्या वतीने ओसरगाव तलाव परिसराची स्वच्छता.

कणकवली.

  स्वच्छता हिच देशसेवा हे ब्रीद अंगिकारत माऊली मित्र मंडळ कणकवली आणि जुना भाजी मार्केट व्यापारी मित्र मंडळ व संलग्न मित्रमंडळाच्या वतीने संस्थापक अध्यक्ष राजेंद्र पेडणेकर यांच्या नेतृत्वाखाली ३१ जानेवारी रोजी ओसरगाव तलाव परिसरात स्वच्छता मोहीम राबविण्यात आली.
   यावेळी ओसरगाव सरपंच सौ.सुप्रिया कदम, ओसरगाव उपसरपंच तथा समाजसेवक बबली राणे, माऊली मित्र मंडळ सल्लागार सी.आर. चव्हाण, माजी ग्रा.प सदस्य सुदर्शन नाईक, ग्रामस्थ विनायक अपराज, चिन्मय भिसे, सत्यवान मोहिते,भगवान कासले, प्रसाद पाताडे, प्रसाद उगवेकर, सईद नाईक, ज्ञानदेव मोडक, बाबुराव घाडीगांवकर, अविनाश गावडे, प्रभाकर कदम आदी उपस्थित होते.
  यावेळी माऊली मित्र मंडळाचे संस्थापक अध्यक्ष राजेंद्र पेडणेकर म्हणाले की, स्वच्छता हिच देशसेवा आहे .माऊली मित्र मंडळ आणि जूना भाजी मार्केट व्यापारी मित्र मंडळ व संलग्न मित्रमंडळाच्या वतीने ओसरगाव तलाव परिसरातील स्वच्छता करुन सामाजिक बांधिलकी जोपासली जात आहे .ओसरगाव माजी उपसरपंच तथा सामाजिक कार्यकर्ते बबली राणे यांच्या वतीने राबविण्यात येणारे उपक्रम निश्चितच प्रेरणादायी आहेत.असे गौरवोद्गार राजेंद्र पेडणेकर यांनी काढले.
  यावेळी ओसरगाव माजी उपसरपंच बबली राणे म्हणाले की,स्मार्ट व्हिलेज च्या दिशेने पावले टाकताना,विविध उपक्रमां बरोबरच स्वच्छतेला देखील तितकेच महत्व दिले गेले पाहिजे.आणि हे साध्य करण्यासाठी ओसरगाव गाव कुठेही कमी पडणार नाही.असेही ते म्हणाले.
   यावेळी माऊली मित्र मंडळाचे संस्थापक अध्यक्ष राजेंद्र पेडणेकर यांचा ओसरगाव सरपंच सुप्रिया कदम आणि उपसरपंच बबली राणे, सुदर्शन पाडावे यांनी शाल श्रीफळ व पुष्पगुच्छ देऊन सत्कार केला.
  माऊली मित्र मंडळ आणि जूना भाजी मार्केट व्यापारी मित्र मंडळ व संलग्न मित्रमंडळाच्या वतीने राजेंद्र पेडणेकर आणि कार्यकर्त्यांनी ओसरगाव सरपंच सौ.सुप्रिया कदम आणि बबली राणे यांच्या सौभाग्यवती सौ.चंदना चंद्रहास राणे यांचा शाल श्रीफळ पुष्पगुच्छ देऊन सत्कार केला.