महाराष्ट्र प्रदेश युवक काँग्रेसच्या सचिवपदी सिध्देश परब यांची नियुक्ती.
konkansamwad
Nov 10, 2023 06:12
461
0
वेंगुर्ला.
सिंधुदुर्ग जिल्हा युवक काँग्रेसच्या कार्याध्यक्ष तथा वेंगुर्ला पंचायत समितीचे माजी उपसभापती यांनी सिद्धेश विजय परब यांनी युवक काँग्रेसच्या संघटनावाढीमध्ये दिलेल्या मोठ्या योगदानाची दखल महाराष्ट्र प्रदेश युवक काँग्रेसचे अध्यक्ष कुणाल राऊत यांनी घेऊन त्यांची महाराष्ट्र प्रदेश युवक काँग्रेसच्या सचिवपदी नियुक्ती केली आहे.महाराष्ट्र प्रदेश युवक काँग्रेसचे अध्यक्ष कुणाल राऊत यांच्या अध्यक्षतेखाली नवीन कार्यकारणी करण्यात आली.
कुडाळ एम.आय.डी.सी. येथे बुधवारी आयोजित केलेल्या जिल्हा राष्ट्रीय युवक काँग्रेसच्या बैठकीत सिंधुदुर्ग जिल्हा युवक काँग्रेसचे प्रभारी जयदीप थोरात व सिंधुदुर्ग जिल्हा युवक काँग्रेस अध्यक्ष किरण टेंबुलकर यांच्यावतीने सिद्धेश परब यांची युवक प्रदेश सचिव पदी निवड झाल्याबद्दल त्यांचा सत्कार करण्यात आला.
यावेळी कोल्हापूर जिल्हा युवक काँग्रेस कार्याध्यक्ष नगरसेवक नितिन बागे, कणकवली युवक काँग्रेस अध्यक्ष अनिकेत दहिबांवकर, देवगड युवक काँग्रेस दीपक पाडवे, वेंगुर्ला तालुका कार्यकारणी सदस्य आनंद गोडकर, कुडाळ मालवण विधानसभा मतदारसंघ अध्यक्ष श्री मंदार शिरसाट व अन्य पदाधिकारी व कार्यकर्ते उपस्थित होते.
