परुळेबाजार ग्रामपंचायत माजी सरपंच तथा विद्यमान सदस्य प्रदीप प्रभू व स्वच्छतादूत प्रेमा जाधव यांचा दिल्लीत सन्मान.
konkansamwad
Jan 26, 2024 05:35
195
0
वेंगुर्ला.
केंद्र शासनाच्या पेयजल आणी स्वच्छता विभाग स्वच्छ भारत अभियान (ग्रामीण) या विभागातर्फे सिंधुदुर्ग जिल्ह्यातील वेंगुर्ला तालुक्यातील परुळेबाजार ग्रामपंचायतीला प्रजासत्ताक दिनी विशेष आमंत्रित म्हणून माजी सरपंच तथा विद्यमान सदस्य प्रदिप प्रभु व स्वच्छता दूत श्रीम.प्रेमा नारायण जाधव यांचा दिल्ली येथील कार्यक्रमात सन्मान करण्यात आला.
यावेळी प्रमुख पाहूणे केंद्रीय जलशक्ती विभागाचे मंत्री
राजेंद्रसिंह स शेखावत, राजीव चंद्रशेखर, विश्ववर ताडु यांसह अधिकारी उपस्थित होते.यावेळी वेंगुर्ला तालूक्यातील परुळेबाजार ग्रामपंचायतीचे श्रीम प्रेमा जाधव यांचा मंत्री महोदयांनी विशेष सन्मान केले अक्षरश: मंत्री महोदय प्रेमा जाधव यांचा वयाच्या मान राखत स्वच्छता विषयक कामा बाबतीत त्यांच्या समोर नतमस्तक झाले. व संपूर्ण देशातील
स्वच्छाग्रही मधुन आपल्या बरोबर व्यासपीठावर बसण्याचा मान माजी सरपंच प्रदिप प्रभु व प्रेमा जाधव यांना मिळाला हे विशेष. हा आमच्या कामाची पोचपावती असल्याचे प्रतिपादन प्रदिप प्रभु व प्रेमा जाधव यांनी केले. प्रदिप प्रभु यांनीही आपल्या सरपंच पदाच्या कारकीर्दीत ग्रामपंचायतीस एक वेगळी ओळख मिळवून दिली आहे व आजही ते सातत्याने या कामात आपला ठसा उमटवित आहे. याचाच एक भाग म्हणून त्यांना हा सन्मान मिळाला आहे.
