वेताळ बांबार्डे येथे नऊवारी साडी शिवण क्लास प्रशिक्षणास महिलांचा उत्स्फूर्त प्रतिसाद
konkansamwad
Aug 7, 2025 12:17
82
0
कुडाळ
ग्रामपंचायत वेताळ बांबार्डे आणि कोकण कला व शिक्षण विकास संस्था यांच्या माध्यमातून ग्रामपंचायत कार्यक्षेत्रातील महिलांसाठी नऊवारी साडी शिवणे प्रशिक्षण आयोजित करण्यात आले होते. यात गावातील ३० महिलांनी सहभाग घेतला होता. या प्रशिक्षणाचे उद्घाटन सरपंच वेदीका दळवी यांच्या उपस्थितीत पार पडले. यावेळी उपसरपंच प्रदीप गावडे, ग्रामपंचायत अधिकारी शालिनी कोकरे, सदस्य साजूराम नाईक, दशरथ कदम, समृद्धी कदम, रश्मी तिवरेकर, सृष्टी सावंत, संस्था समन्वयक समीर शिर्के, प्रशिक्षक सौ. रेश्मा नेमळेकर आदी उपस्थित होते. ग्रामपंचायत अधिकारी शालिनी कोकरे यांनी कार्यक्रमाचे प्रास्ताविक केले. उपसरपंच प्रदीप गावडे यांनी उपस्थित महिलांचे आभार मानले व प्रशिक्षणासाठी शुभेच्छा व्यक्त केल्या. सरपंच वेदीका दळवी यांनी प्रशिक्षणासाठी शुभेच्छा दिल्या तसेच महिलांना व्यवसाय करण्यासाठी मार्गदर्शन केले. कार्यक्रमाचे सूत्रसंचालन कोकण संस्थेचे तालुका समन्वयक समीर शिर्के यांनी केले.
