शॉर्टसर्किटमुळे लागलेल्या आगीत घर बेचिराख
konkansamwad
Feb 14, 2025 06:02
146
0
वेंगुर्ला
वेंगुर्ला तालुक्यातील चीपी कालवंडवाडी येथील घराला शॉटसर्किट होऊन लागलेल्या आगीत पूर्ण घर जळून बेचिराख झाले आहे. दुर्घटने वेळी घरात कोणी नसल्याने मोठा अनर्थ टळला. मात्र या आगीमुळे घराचे लाखो रुपयांचे नुकसान झाले आहे.चीपी कालवंडवाडी येथील श्रीम. शुभप्रभा सीताराम चव्हाण व वैभवी विजय पवार यांचे हे घर. घराला आग लागल्याने घराचे प्रचंड नुकसान झाले सुदैवाने या दोन्ही महिला बचत गटाच्या मीटिंग ला गेल्याने बचावल्या आहेत.सदर घटनेची माहिती मिळताच चीपी सरपंच माया चव्हाण, ग्रामसेवक मंगेश नाईक, तलाठी दि .एस. गवते, पोलीस पाटिल संदेश पवार आदींनी घटनास्थळी भेट देऊन पाहणी केली असून नुकसानीचा पंचनामा करण्यात आला. यावेळी कोतवाल रुक्मानंद वरक, सुनील राठीवडेकर आदी उपस्थित होते.सदर आगीत हे घर पूर्णपणे बेचिराख होऊन नुकसान झाले आहे. दरम्यान शिवसेना पक्षाचे सचिन देसाई आणि कुशेवाडा सरपंच निलेश सामंत यांनी चव्हाण कुटुंबीयांची भेट घेऊन पाहणी केली.
