बचतगट महिलांच्या उद्यमशीलतेला ओबीसी व्हिजेएनटी शिवसेनेचा हातभार

कुडाळ

        कुडाळ येथील सिंधुदुर्ग मैदानावर शिवसेना शिवउद्योग संघटनेतर्फे भरविण्यात आलेल्या बचतगट स्टॉल्सना आज ओबीसी व्हिजेएनटी शिवसेनेच्या प्रमुख पदाधिकाऱ्यांनी भेट दिली. या प्रसंगी बचतगट चालवणाऱ्या महिलांच्या कार्याचे त्यांनी कौतुक केले.
         शिवउद्योग जिल्हाप्रमुख विश्वास गावकर आणि उपजिल्हाप्रमुख रचना नेरुरकर यांच्या संकल्पनेतून हे स्टॉल्स उभारण्यात आले असून, बचतगटांनी तयार केलेल्या विविध वस्तू आणि उत्पादनांचे प्रदर्शन येथे करण्यात आले आहे.
        शिष्टमंडळात महाराष्ट्र उपाध्यक्ष श्रीधर पेडणेकर, महिला जिल्हाप्रमुख वर्षा कुडाळकर, तालुकाप्रमुख रुपेश पिंगुळकर, संघटक कानू शेळके, महिला तालुकाप्रमुख अनघा रांगणेकर, जिल्हा प्रवक्ते रत्नाकर जोशी, तालुकाप्रमुख राकेश नेवाळकर यांचा समावेश होता. तसेच ज्येष्ठ नेते संजय पडते, स्वरूप वाळके, जयदीप तुळसकर, अरविंद करलकर, भोगटे आणि अनिकेत तेंडोलकर उपस्थित होते.
          स्टॉलधारक महिलांशी संवाद साधून त्यांच्या उत्पादनांची माहिती घेण्यात आली. महिलांनी बनवलेल्या वस्तूंना मिळणाऱ्या उत्साहवर्धक प्रतिसादाबद्दल समाधान व्यक्त करण्यात आले.
यावेळी श्रीधर पेडणेकर यांनी महिलांच्या कौशल्याचे विशेष कौतुक करत, त्यांच्या उत्पादनांना मोठी व कायमस्वरूपी बाजारपेठ मिळवून देण्यासाठी शिवसेना आणि संघटनेतर्फे ठोस प्रयत्न केले जाणार असल्याचे आश्वासन दिले. त्यांच्या या विधानामुळे बचतगट महिलांमध्ये नवउत्साहाचे वातावरण निर्माण झाले आहे.