कुणकेश्वर सहकारी सेवा सोसायटीचे नवे अध्यक्ष शंकर नाणेरकर

देवगड

       देवगड तालुक्यातील कुणकेश्वर विविध कार्यकारी सहकारी सेवा सोसायटीच्या अध्यक्षपदी शंकर सूर्यकांत नाणेरकर यांची बिनविरोध एकमताने निवड करण्यात आली. उपक्रमशील आंबा बागायतदार व शेतकरी, एक सेवाभावी व दानशूर व्यक्तिमत्व असलेल्या शंकर नाणेरकर यांचे यानिमित्त सर्वस्तरातून अभिनंदन होत आहे. निलेश पेडणेकर यांनी अध्यक्षपदाचा राजीनामा दिल्याने रिक्त झालेल्या जागेवर श्री. नाणेरकर यांची सहकार खात्याच्या विहित कार्यपद्धतीनुसार उपस्थित संचालक, ग्रामस्थ सभासद, विविध संस्थांचे पदाधिकारी, सचिव, कर्मचारी यांच्या उपस्थितीत निवडणुक अधिकारी श्री. जाधव यांच्या मार्गदर्शनाखाली शांततेत बिनविरोध निवड करण्यात आली.यावेळी नाणेरकर यांच्या सहकाऱ्यांकडून पेढे वाटून फटाक्यांच्या आतषबाजीने आनंदोत्सव साजरा करण्यात आला.
        यावेळी कुणकेश्वर सरपंच महेश ताम्हणकर, माजी अध्यक्ष निलेश पेडणेकर, कुणकेश्वर देवस्थान ट्रस्ट, अध्यक्ष एकनाथ तेली, भाऊ मुंबरकर यांनी आपले विचार मांडून नवनियुक्त चेअरमन यांस शुभेच्छा दिल्या.यावेळी युवक मंडळ चांदलवाडी (वरचीवाडी) कुणकेश्वर शिक्षण विकास मंडळ, ग्रा.पं. कुणकेश्वर, देवस्थान ट्रस्ट कुणकेश्वर या संस्थांच्या वतीने मान्यवरांनी श्री.  नाणेरकर यांचा सन्मान केला व शुभेच्छा दिल्या. कुणकेश्वर सेवा सोसायटीचे संचालक सुहास नामेरकर, विश्वनाथ तेली, सत्यवान धुरी, संदिप जोईल, शांताराम चव्हाण, तुकाराम लेली, तात्या वाळके, कर्मचारी वृंद, देवस्थान ट्रस्ट माजी अध्यक्ष पुंडलिक नाणेकर, अविनाश घाडी, माजी सरपंच गोविंद घाडी. चांदेलवाडी युवक मंडळ कार्यकर्ते व ग्रामस्थ सोसायटी सभासद मोठ्या संख्येने उपस्थित होते.