पी.जे.कांबळे यांना निसर्गमित्र पुरस्काराने सन्मानित.
konkansamwad
Aug 20, 2023 08:13
297
0
कणकवली.
नैसर्गिक पर्यावरण संवर्धन व मानवता विकास संस्थेतर्फे दिला जाणारा निर्सगमित्र पुरस्कार विद्यामंदिर प्रशालेचे मुख्याध्यापक पी. जे. कांबळे यांना प्रदान करण्यात आला.
श्री.कांबळे यांनी ज्ञानदानाबरोबरच झाडे लावा, झाडे जगवा ही उक्ती आचरणात आणून विद्यार्थ्याच्या मदतीने विद्यामंदिर प्रशाला व कणकवली कॉलेजच्या विविध जातींच्या वृक्षांची व औषधी वनस्पतींची लागवड करत त्यांचे जतन व संगोपनही केले आहे. त्यांच्या या कार्याची दखल नैसर्गिक पर्यावरण संवर्धन व मानवता विकास संस्थेने घेत त्यांना निर्सगमित्र पुरस्कार दिला आहे. स्मृतिचिन्ह व सन्मानपत्र असे पुरस्काराचे स्वरूप आहे. श्री. कांबळे यांना हा पुरस्कार मिळल्पाबद्दल त्यांचे शिक्षण प्रसारक मंडळाच्या पदाधिकारी व सदस्य, प्रशालेच्या शिक्षक व शिक्षकेतर कर्मचाऱ्यांनी अभिनंदन केले.
