विद्यार्थ्यांनी आपल्या आवडीच्या क्षेत्रात उज्वल यश संपादन करावे : ॲड.अविनाश माणगावकर. शेठ म.ग.हायस्कूल येथे गुणवंत विद्यार्थ्यांचा सत्कार समारंभ संपन्न.

देवगड.

   विद्यार्थ्यांनी आपल्या आवडीच्या क्षेत्राची निवड करून त्या क्षेत्रामध्ये उज्वल यश संपादन करावे '.असे मार्गदर्शन शाळेच्या स्थानीय समितीचे सचिव आणि समन्वय समितीचे अध्यक्ष असलेल्या ॲड. अविनाश माणगावकर यांनी व्यक्त केले.
   माध्यमिक शालांत परीक्षा आणि उच्च माध्यमिक शाळांत परीक्षा २०२४ मधील गुणवंत विद्यार्थ्यांचा सत्कार आज शेठ म.ग.हायस्कूलमध्ये मान्यवरांच्या उपस्थितीत संपन्न झाला. यावेळी व्यासपीठावर स्थानीय समिती सचिव आणि समन्वय समितीचे अध्यक्ष ॲड. अविनाश माणगावकर, देवगड एज्युकेशन बोर्डाचे उपाध्यक्ष सदानंद पवार, संस्थेचे मुख्य चिटणीस शंकर धुरी, मुख्याध्यापक महादेव घोलराखे, पर्यवेक्षिका निशा दहीबावकर, गुणवंत विद्यार्थी आणि त्यांचे पालक तसेच शिक्षक वर्ग आदी मान्यवर उपस्थित होते.
   उपस्थित मान्यवरांच्या हस्ते शाळेमध्ये माध्यमिक शालांत परीक्षेतील ९०% आणि त्यापेक्षा अधिक गुण प्राप्त एकूण नऊ विद्यार्थ्यांचा भेटवस्तू देऊन सत्कार करण्यात आला. यात  शिवानी प्रशांत मेस्त्री (९७.६०), सलोनी संजय मेस्त्री(९६.६०), निशा संदेश तोरस्कर (९१.२०), आयुष अमोल कोळसमकर (९१.२०), तन्मय तेजस राऊत (९०.८०), याज्ञिका विठ्ठल मल्हार (९०.६०), सर्वेश प्रकाश परुळेकर (९०.२०), सोनाक्षी संजय कडू (९०.२०), सोहम प्रकाश बोडस (९०.२०) याच परीक्षेत संस्कृत विषयात पैकीच्या पैकी गुण मिळविणाऱ्या विद्यार्थ्यांना शाळेतील संस्कृत विषयाच्या शिक्षिका पल्लवी पंडित यांच्यामार्फत भेटवस्तूंचे वितरण करण्यात आले.याचवेळी उच्च माध्यमिक परीक्षेतील शाळेतील प्रथम तीन क्रमांकाने उत्तीर्ण झालेल्या विद्यार्थ्यांचा देखील भेटवस्तू देऊन सत्कार करण्यात आला. यामध्ये  श्रुती अजित जोईल (७६.१७), कस्तुरी अनिल जोईल (७०.३३), अमिशा महेश घाडी (६८.८३) प्रमुख पाहुणे शंकर धुरी यांनी शाळेचा शंभर टक्के निकाल लागल्याबद्दल सर्व घटकांचे अभिनंदन केले. सदानंद पवार यांनी यशाचा हा वारसा असाच पुढे नेण्याचे आवाहन विद्यार्थ्यांना केले. 
तर अध्यक्ष ॲड. अविनाश माणगावकर म्हणाले, विद्यार्थ्यांना आपल्या आवडीच्या क्षेत्राची निवड करून त्यामध्ये उत्तम यश मिळवावे तसेच पालक वर्गाने सतत जागरूक राहून आपल्या पाल्याला योग्य ठिकाणी मार्गदर्शन करण्याचे आवाहन केले. शाळेचा शंभर टक्के निकाल लागण्यामध्ये शाळेतील शिक्षक आणि मुख्याध्यापक यांची भूमिका अतिशय महत्त्वाची असल्याचे विषद केले .मुख्याध्यापक महादेव घोलराखे यांनी विद्यार्थ्यांनी सर्वांगीण विकास करण्याचे आवाहन केले.
   यावेळी उपस्थित गुणवंत विद्यार्थ्यांपैकी शिवानी मेस्त्री आणि पालक वर्गातून प्रकाश परुळेकर आणि सौ. मेस्त्री मनोगते व्यक्त केली.
  कार्यक्रमाचे सूत्रसंचालन शिक्षक सागर कर्णिक यांनी प्रास्ताविक पर्यवेक्षिका निशा दहीबावकर यांनी तर उपस्थितांचे आभार आरती लोके यांनी व्यक्त केले.