निवडणूक प्रशिक्षण स्थळी पोहोचवण्यासाठी विविध ठिकाणी एसटी बसेसची व्यवस्था.

konkansamwad konkansamwad Apr 28, 2024 03:33 122 0

निवडणूक प्रशिक्षण स्थळी पोहोचवण्यासाठी विविध ठिकाणी एसटी बसेसची व्यवस्था.

रत्नागिरी.

  द्वितीय प्रशिक्षण प्रक्रीया सुरळीत होण्याच्यादृष्टीने मतदान केंद्राध्यक्ष व मतदान अधिकाऱ्यांना प्रशिक्षण स्थळी पोहोचण्यासाठी कोणत्याही प्रकारचा अडथळा येऊ नये यासाठी  प्रशिक्षण स्थळी पोहोचवण्यासाठी व परत आणण्यासाठी एसटी बसेसच्या वाहतुकीची व्यवस्था करण्यात आलेली आहे, अशी माहिती जिल्हाधिकारी तथा निवडणूक निर्णय अधिकारी एम. देवेंदर सिंह यांनी दिली.263 दापोली मतदार संघामध्ये दि.27 एप्रिल 2024 व 28 एप्रिल 2024 रोजी, 264 गुहागर मतदार संघामध्ये दि. 29 एप्रिल 2024 व 30 एप्रिल 2024 रोजी, 265 चिपळूण मतदार संघामध्ये दि. 28 एप्रिल 2024 रोजी, 266 रत्नागिरी मतदार संघामध्ये दि. 29 एप्रिल 2024 रोजी व 267 राजापूर मतदार संघामध्ये दि. 29 एप्रिल 2024 व 30 एप्रिल 2024 रोजी मतदान केंद्राध्यक्ष व मतदान अधिकारी यांचे दुसरे प्रशिक्षण आयोजित करण्यात आलेले आहे.तृतीय प्रशिक्षण, मतदानाचे आदल्या दिवशी व मतदानाच्या दिवशीसुध्दा याप्रकारे एसटी बसेसच्या वाहतुकीची व्यवस्था करण्यात आलेली आहे. याबाबतच्या करारनामा एसटी महामंडळाशी करण्यात आलेला आहे.