माणगाव महाविद्यालय येथे करिअर मार्गदर्शन शिबिर संपन्न.
konkansamwad
Aug 25, 2023 08:24
334
0
कुडाळ.
कुडाळ माणगाव येथील पी.एम.धुरी व एम.एन.धुरी आणि संगणक महाविद्यालय माणगाव या महाविद्यालयात करिअर मार्गदर्शन शिबिराचे आयोजन करण्यात आले. महाविद्यालयातील विद्यार्थ्यांना करिअर विषयक मार्गदर्शन व विविध स्पर्धा परीक्षा याबद्दल माहिती सावंतवाडीच्या ध्येय अकॅडमीच्या माध्यमातून देण्यात आली वेगवेगळ्या परीक्षा आणि येत्या काळात होऊ घातलेल्या वेगवेगळ्या सरकारी भरत्या याबद्दल मार्गदर्शन करून यशाचा योग्य मार्ग कसा गाठता येईल याबद्दल ध्येय अकॅडमीचे संस्थापक श्री साळकर सर यांनी विद्यार्थ्यांना मार्गदर्शन केले.
यावेळी व्यासपीठावर महाविद्यालयाचे प्राचार्य श्री राजेंद्र पवार ध्येय अकॅडमीचे संस्थापक श्री साळकर, करियर कट्टा विभागाचे प्रमुख श्री राजापूरकर, सहाय्यक गुंजन तेली, वासुदेवानंद सरस्वती विद्यालयाचे उपमुख्याध्यापक श्री संजय पिळणकर, महाविद्यालयाचे प्राध्यापक श्री कृष्णा सावंत, श्रीमती राणे, श्रीमती भोगटे, श्रीमती पारधी, श्रीमती दीपा कोरगावकर, श्रीमती कदम आदी उपस्थित होते.
