पथविक्रेत्यांनी पी.एम.स्‍व निधी योजनेचा लाभ घ्यावा; मुख्याधिकारी परितोष कंकाळ यांचे आवाहन.
konkansamwad
Aug 23, 2023 08:53
232
0
वेंगुर्ला.
वेंगुर्ला नगरपरिषद प्रधानमंत्री पथविक्रेता आत्मनिर्भर निधी (PMSVNidhi) ही पथविक्रेत्यांसाठी विशेष योजना आहे. शहरातील पथविक्रेत्यांना त्यांचा व्यवसाय उभारण्यासाठी सूक्ष्म पतपुरवठा केला जातो त्यामध्ये प्रथम टप्पा १००००/- रुपये कर्ज, दुसरा टप्पा २००००/- रुपये कर्ज आणि तिसरा टप्पा ५००००/- हजार रुपये कर्ज सुविधा उपलब्ध करून देण्यात येते.
वेंगुर्ला नगरपरिषद ने आतापर्यंत बँकांच्या माध्यमातून १०,०००/- रुपये २०५ लाभार्थ्यांना कर्जाचा लाभ देण्यात आला. २०,०००/- रुपयाचे ११० लाभार्थ्यांना कर्जाचा लाभ देण्यात आला व ५०,०००/- रुपयाची २९ लाभार्थ्यांना कर्ज वितरित करण्‍यात आले आहे.
वेंगुर्ला शहरातील ज्या पथविक्रेत्यांना कर्ज प्रस्ताव करायचा आहे त्याने वेंगुर्ला नगरपरिषद DAY-NULM कक्षाशी संपर्क करावा.(श्री. विलास ठुंबरे सहायक प्रकल्प अधिकारी संपर्क क्रमांक – 9422870682) या नंबर संपर्क करावा किंवा प्रत्यक्ष भेटावे असे आवाहन वेंगुर्ला नगरपरिषदेचे मुख्याधिकारी परितोष कंकाळ यांनी केले आहे.
