मुणगे उपसरपंच पदी दशरथ मुणगेकर यांची बिनविरोध निवड.
konkansamwad
Jul 27, 2024 04:56
104
0
देवगड.
तालुक्यातील मुणगे ग्रामपंचायत मध्ये निवडून आलेल्या सर्व सदस्यांना उपसरपंच म्हणून काम करता यावे या अनुषंगाने उपसरपंच संजय घाडी यांनी आपल्या पदाचा राजीनामा दिला होता.त्यामुळे त्यांच्या रिक्त झालेल्या मुणगे ग्रामपंचायत उपसरपंच पदी दशरथ मुणगेकर यांची बिनविरोध निवड करण्यात आली आहे.मुणगे ग्रामपंचायत विशेष सभेत सरपंच अंजली सावंत, माजी उपसरपंच धर्माजी आडकर, संजय घाडी, रविना मालाडकर, निकता कांदळगावकर, ग्रामसेविका मधुरा भुजबळ यांच्या उपस्थितीत उपसरपंचपदी दशरथ मुणगेकर यांची बिनविरोध निवड करण्यात आली आहे.यावेळी यशस्विनी प्रतिष्ठानचे अध्यक्ष आनंद मालाडकर यांनी पुष्पगुच्छ, भेटवस्तू, मिठाई भरवत नवनिर्वाचित उपसरपंच दशरथ मुणगेकर यांचे अभिनंदन करून पुढील वाटचालीस शुभेच्छा दिल्यात.
यावेळी नवनिर्वाचित उपसरपंच दशरथ मुणगेकर यांनी सरपंच सर्व ग्रामपंचायत सदस्य, कर्मचारी, सदाशिव ओगले,भाजप तालुकाध्यक्ष संतोष किंजवडेकर,माजी सभापती सुनिलभाई पारकर,गोविंद सावंत, संजय बांबुळकर, आनंद मालाडकर यांचे आभार व्यक्त केले.
