मोदींच्या शपथविधी सोहळ्यासाठी भाजपा जिल्हाध्यक्ष निमंत्रित.
konkansamwad
Jun 7, 2024 04:40
238
0
सिंधुदुर्ग.
मोदी सरकारच्या तिसऱ्या पर्वाला सुरुवात होत असून मा.नरेंद्रभाई मोदी यांचा पंतप्रधान पदाचा शपथविधी सोहळा रविवार दिनांक 09 जून रोजी दिल्ली येथे मोठ्या थाटामाटात संपन्न होणार आहे.या सोहळ्यासाठी देशातील सर्व भाजपा जिल्हाध्यक्ष यांना विशेष निमंत्रित केलेले आहे.
भाजपचे प्रदेश पदाधिकारी, सर्व खासदार आणि आमदार हे सुद्धा सदर सोहळ्याला निमंत्रित आहेत.सिंधुदुर्ग जिल्ह्यातून प्रदेश उपाध्यक्ष अतुल काळसेकर, जिल्हाध्यक्ष प्रभाकर सावंत, आमदार नितेश राणे, संघटनमंत्री शैलेंद्र दळवी हे या सोहळ्यासाठी उपस्थित राहणार असल्याची माहिती प्राप्त झाली.
रत्नागिरी सिधुदुर्ग लोकसभा मतदारसंघात प्रथमच भाजपाला हक्काचा खासदार मिळालेला असून हा विजय कोकण भाजपाच्या शिरपेचात मानाचा तुरा खोवणारा आहे त्यामुळे या सोहळ्याचे साक्षीदार होण्याची संधी जिल्हाध्यक्ष या नात्याने मला मिळालेली आहे हा भाग्याचा क्षण आहे. खरंतर या विजयाचे खरे शिल्पकार हे लोकसभा मतदारसंघातील माझे सर्व सहकारी आहेत, त्या सर्वांच्या वतीने मी या सोहळ्याचा साक्षीदार होण्यासाठी दिल्ली येथे जाणार आहे अशी प्रतिक्रिया प्रभाकर सावंत यांनी बोलताना व्यक्त केली.
