पुण्यातील पिरंगुट घाटात धावत्या बसला भीषण आग; गाडीचे मोठे नुकसान. चालकाच्या प्रसंगावधानामुळे सर्व प्रवाशी सुखरूप.
konkansamwad
May 6, 2024 10:39
161
0
पुणे.
पुण्यातील पिरंगुट घाटात भीषण अग्नितांडव पाहायला मिळालं आहे. रात्री पिरंगुट घाटात धावत्या बसने पेट घेतला आहे. या घटनेत बसचा जळून कोळसा झाला आहे. बस पेटल्यामुळे प्रवाशांमध्ये भितीचं वातावरण होतं. चालकाच्या प्रसंगावधानामुळे सर्व प्रवाशी सुखरूप आहेत. पुण्यातील पिरंगुट घाटात धावत्या बसला भीषण आग लागल्याची घटना घडली आहे. आगीत संपूर्ण बस जळून खाक झाली आहे. रात्री १० वाजता ही घटना घडली आहे. पिरंगुट घात उतरताना बसमधून धूर येत होता. हे लक्षात येताच चालकाने बस थांबवली. पुण्यातील पिरंगुट घाटात हा भीषण अपघात झाला आहे. बस चालकाने सावधगिरी बाळगल्यामुळे कोणतीही जीवितहानी झालेली नाही. बसमधील सर्व नागरिकांना खाली उतरवले. मात्र, त्यानंतर बसने वेगात पेट घेतला. अग्निशमन दलाची गाडी येईपर्यंत संपूर्ण बस जळून खाक झाली होती. सुदैवाने कोणतीही जीवितहानी झाली नाही. परंतु बसला आग लागल्यामुळे सर्व प्रवाशी गोंधळलेल्या अवस्थेत होते. ते मदतीसाठी आरडाओरड करत होते. बस नेमकी कशामुळे पेटली? याचं कारण अजून समोर आलेलं नाही.
