वेंगुर्ले येथील श्री देवी सातेरीचा उद्या वार्षिक जत्रोत्सव
konkansamwad
Nov 4, 2025 11:56
230
0
वेंगुर्ले
ग्रामदेवता श्री देवी सातेरीचा वार्षिक जत्रोत्सव त्रिपुरारी पौर्णिमेला उद्या, ता. ५ नोव्हेंबरला संपन्न होणार आहे. यनिमित्त सकाळी ८ वा. श्री देवी सातेरीची पाद्यपूजन, सकाळी ९ वा. श्री देवी सातेरीच्या पालखीचे आगमन, रात्रौ ११ वा. श्री देव रामेश्वराची पालखी भेट, तरंगदेवता, श्री देव रामेश्वर, श्री देवी सातेरी यांच्या पालखीसह मंदिरास पालखी प्रदक्षिणा होणार आहे. त्यानंतर रात्रौ श्री पार्सेकर दशावतार नाट्यमंडळाचा महान पौराणिक नाट्यप्रयोग सादर होणार आहे. सकाळपासून मंदिरात केळी ठेवणे, नारळ ठेवणे, ओटी भरणे, नवस बोलणे, नवस फेडणे आदी धार्मिक कार्यक्रम रात्री उशिरापर्यंत होणार आहेत.
सर्व भाविकांनी दर्शनाचा व धार्मिक कार्यक्रमाचा लाभ घ्यावा, असे आवाहन विश्वस्त मंडळ, श्री देवी सातेरी देवस्थान, वेंगुर्ले यांच्यामार्फत करण्यात आले आहे.
