डेगवेतील शेतकऱ्यांना मंत्री दीपक केसरकर यांच्या वाढदिवसानिमित्त विविध रोपांचे वाटप.
Konkan Samwad
Jul 21, 2023 02:41
458
0
बांदा
महाराष्ट्र शासनाचे शालेय शिक्षण मंत्री मा.ना.श्री.दीपकभाई केसरकर साहेब यांच्या वाढदिवसाचे औचित्य साधून डेगवेतील शिवसेनेच्या कार्यकरत्यांनी डेगवे गावातील सर्व शेतकरी बांधवांना नारळ, सुपारी, काजूच्या कलमाच्या रोपांचे वाटप आज केले. सदर रोपे वाटपाचा कार्यक्रम श्री स्थापेश्वर मंदिर जवळ सकाळी ११ ते दुपारी १ वाजेपर्यंत संपन्न झाला.
या कार्यक्रमास डेगवे आंबेखणवाडी, जांभळवाडी, फणसवाडी, बाजारवाडी, मोयझरवाडी, वराडकरवाडी, मिरेखणवाडीतील सर्व शेतकरी बांधवांनी लाभ घेतला आहे.
या कार्यक्रमात पावसाळ्यातील रानभाज्या व त्याचे फायदे या विषयावर दापोली कृषी विद्यापीठामध्ये प्रशिक्षण घेणारे श्री पवन विवेक केसरकर यांनी शेतकऱ्यांना आपल्या खुमासदार शैलीत महत्त्व विषद केले आहे.त्यामुळे त्यांचे विशेष आभार मानले आहेत. कार्यक्रमाची प्रेरणा व मेहनत सावंतवाडी तालुक्याचे शिवसेनेचे उपतालुका प्रमुख तथा डेगवे ग्रामपंचायतीचे माजी सरपंच मंगलदास देसाई यांच्या व गावातील शिवसेनेच्या कार्यकर्त्याच्या पुढाकाराने संपन्न झाला आहे.
यावेळी डेगवे ग्रामपंचायतीचे सदस्य तथा उपविभाग प्रमुख विजय देसाई, माजी सरपंच सौ.वैदेही देसाई, सौ.वैष्णवी केसरकर, वामन देसाई, योगेश मांजरेकर, विवेक केसरकर, अनील देसाई शाखा प्रमुख सिताराम देसाई, सदस्य रुपाली देसाई व इतर आजी व माजी ग्रामपंचायत सदस्य व डेगवे ग्रामस्थ उपस्थित होते.
