मालवणात १६ एप्रिलला सिंधुदुर्ग जिल्हा सबज्युनिअर बास्केटबॉल संघ निवड चाचणी
konkansamwad
Apr 14, 2026 02:24
55
0
मालवण
महाराष्ट्र राज्य बास्केटबॉल असोसिएशनतर्फे आयोजित ५१ वी सबज्युनिअर गटातील राज्य अजिंक्यपद बास्केटबॉल स्पर्धा ३ मे ते ८ मे २०२६ या कालावधीत सातारा येथे होणार आहे. या स्पर्धेसाठी सिंधुदुर्ग जिल्हा संघाची निवड करण्यासाठी सिंधुदुर्ग जिल्हा हौशी बास्केटबॉल असोसिएशनतर्फे जिल्हा स्तरावरील निवड चाचणी आयोजित करण्यात आली आहे. ही निवड चाचणी १६ एप्रिलला सायंकाळी ४ वाजता डॉ. कुडाळकर हायस्कूल, मालवण येथील बास्केटबॉल मैदानावर पार पडणार आहे. इच्छुक खेळाडूंनी वेळेत उपस्थित राहून आपल्या कौशल्याचे प्रदर्शन करावे, असे आवाहन आयोजकांकडून करण्यात आले आहे. स्पर्धेसाठी पात्रता निकषांनुसार खेळाडूंचा जन्म ०१ जानेवारी २०१३ किंवा त्यानंतरचा असणे आवश्यक आहे. निवड प्रक्रियेदरम्यान खेळाडूंनी जन्म प्रमाणपत्र व आधारकार्ड ची मुळप्रत व इतर कागदपत्रे सोबत आणावीत. अधिक माहितीसाठी सिंधुदुर्ग जिल्हा हौशी बास्केटबॉल असोसिएशनचे सचिव अजय मधुकर शिंदे (मो. ९४२२३९४१८६) यांच्याशी संपर्क साधावा, असे जिल्हा अध्यक्ष सुरेंद्र सकपाळ यांनी केले आहे.
