वैभववाडी येथे पाणथळ दिन साजरा
konkansamwad
Feb 4, 2025 10:50
24
0
वैभववाडी
सामाजिक वनीकरण विभाग वैभववाडी आणि आनंदीबाई रावराणे महाविद्यालय याच्या संयुक्त विद्यमाने जागतिक पाणथळ दिन उत्साहात साजरा करण्यात आला. या उपक्रमाचा मुख्य उद्देश जलस्रोतांचे संरक्षण व संवर्धन याबाबत जनजागृती करणे हा होता. या कार्यक्रमाची सुरुवात महाविद्यालयातील एनसीसी, नेचर क्लब चे विद्यार्थी तसेच सामाजिक वनीकरण चे अधिकारी यांनी कोकिसरे बांबरवाडी येथील ब्राह्मणतळ या स्थानिक पाणथळ परिसरातील प्लास्टिक कचरा गोळा करून स्वच्छता मोहिम राबवण्यात आली. त्यानंतर प्रा.डॉ एन.आर. हेदुळकर यांनी पाणथळ क्षेत्रांचे जैवविविधतेसाठी असलेले महत्त्व, त्यांचे जलचक्रातील योगदान, प्लास्टिकमुळे होणारे प्रदूषण आणि त्याचे जैवविविधतेवरील परिणाम आणि पर्यावरणीय शाश्वतेसाठी त्यांचे संरक्षण आवश्यक का आहे यावर सखोल मार्गदर्शन केले.यावेळी सामाजिक वनीकरण विभागाचे वनपाल प्रकाश पाटील, लेफ्टनंट प्रा. रमेश काशेट्टी यांनीही पाणथळ क्षेत्रांचे संरक्षण करण्याचे आवाहन केले. यावेळी महाविद्यालयातील एनसीसी विभागाचे विद्यार्थी, वैभव नेचर क्लब चे विद्यार्थी व सामाजिक वनीकरणचे कर्मचारी सहभागी झाले होते.
