न्यूझीलंड दौऱ्याची विजयी सांगता....रोहित-विराटच्या अखेरच्या वनडे सामन्याने चाहते झाले भावुक!

न्यूझीलंड दौऱ्याची विजयी सांगता....रोहित-विराटच्या अखेरच्या वनडे सामन्याने चाहते झाले भावुक!

नवी दिल्ली


      टीम इंडियाने न्यूझीलंडविरुद्धच्या मर्यादित षटकांच्या मालिकेत आपले वर्चस्व गाजवत ऐतिहासिक विजय नोंदवला आहे. आधी रोमांचक टी-२० मालिका खिशात घातल्यानंतर, आता भारताने पाचव्या आणि शेवटच्या वनडे सामन्यात न्यूझीलंडचा २२ धावांनी पराभव करत वनडे मालिका ३-१ ने जिंकली आहे. माउंट माउंगानुई येथील या अंतिम सामन्यात भारताच्या गोलंदाजांनी दमदार कामगिरी करत विजयावर शिक्कामोर्तब केले. मात्र, या विजयानंतरचा संपूर्ण माहोल कमालीचा भावुक होता, कारण न्यूझीलंडच्या धरतीवर भारतीय क्रिकेटचे दोन शिलेदार, रोहित शर्मा आणि विराट कोहली. यांचा हा शेवटचा आंतरराष्ट्रीय वनडे सामना ठरला. सामन्यात भारतीय संघाने प्रथम फलंदाजी करत न्यूझीलंडसमोर २०९ धावांचे आव्हान ठेवले होते. या मालिकेनंतर आधीच टी-२० आणि कसोटी क्रिकेटला रामराम ठोकलेले रोहित शर्मा आणि विराट कोहली यांचे न्यूझीलंडमधील हे अखेरचे आंतरराष्ट्रीय सामने होते. त्यामुळे दोन्ही दिग्गजांना शेवटच्या सामन्यात मोठी खेळी करता आली नाही; रोहित शर्मा १३ चेंडूत ७ धावा काढून तर विराट कोहली ७ चेंडूत ५ धावा करून बाद झाला. वैयक्तिक धावसंख्या मोठी नसली, तरी या लाडक्या खेळाडूंना डोळ्यांत साठवण्यासाठी हजारो चाहते स्टेडियममध्ये उपस्थित होते. प्रत्युत्तरात, न्यूझीलंडचा संघ लक्ष्याचा पाठलाग करताना १८७ धावांवरच ऑलआऊट झाला. भारताने हा सामना २२ धावांनी जिंकत चौथ्या सामन्यातील पराभवाचे जोरदार कमबॅक करत मालिका विजयासह दौऱ्याचा शेवट अत्यंत गोड केला. सामना संपल्यानंतर रोहित शर्मा आणि विराट कोहली यांनी मैदानाला हात उंचावून अभिवादन केले आणि स्टेडियममधील हजारो चाहत्यांचे मनापासून आभार मानले. हा क्षण उपस्थित प्रत्येक क्रिकेटप्रेमीसाठी अत्यंत भावनिक आणि डोळ्यात पाणी आणणारा ठरला, कारण या महान जोडीचा हा न्यूझीलंडमधील शेवटचाच दौरा होता.