भाजपाच्यावतीने महापरिनिर्वाण दिनानिमित्त डाॅ.बाबासाहेब आंबेडकर यांना अभिवादन
konkansamwad
Dec 6, 2025 01:12
63
0
वेंगुर्ले
वेंगुर्ले शहरातील आनंदवाडी येथील समाज मंदिरात जाऊन भाजपा पदाधिकाऱ्यांनी डाॅ.बाबासाहेब आंबेडकर यांच्या पुतळ्यास पुष्पहार अर्पण करुन अभिवादन केले.
यावेळी अभिवादन करताना भाजप जिल्हा उपाध्यक्ष प्रसन्ना उर्फ बाळु देसाई म्हणाले कि, महानिर्वाण दिन हा स्मरणाचा नाही, तर जागृतीचा दिवस आहे. ज्यांनी वंचित, गोर गरीबांना समाजात माणूस म्हणून जगण्याची ओळख दिली, अधिकार दिले, स्वाभिमान दिला, समता, बंधुता आणि न्यायाच्या मार्गावर चालण्याची सर्वांना शक्ती दिली त्या महामानवाला शतशः वंदन! भारताला प्रगतीशील आणि लोकशाहीयुक्त संविधान देणारे भारतीय संविधानाचे शिल्पकार, भारतरत्न डॉ. बाबासाहेब आंबेडकर यांना महापरिनिर्वाण दिनानिमित्त विनम्र अभिवादन व श्रद्धांजली.
यावेळी मंडल अध्यक्ष पपु परब, माजी नगराध्यक्ष राजन गिरप, जि.का.का.सदस्य सुहास गवंडळकर, मच्छिमार सेलचे वसंत तांडेल, सचिन शेटये, युवराज जाधव, योगेश नाईक, सौ. यशस्वी नाईक इत्यादी भाजपा पदाधिकारी तसेच दलित सेवा मंडळचे कार्यकर्ते सुहास जाधव, प्रेमानंद जाधव, विठ्ठल जाधव, गणपत जाधव, दामोदर जाधव, सुभाष जाधव तसेच भारतीय बौद्ध महासभा तालुका वेंगुर्लाचे अध्यक्ष लाडू जाधव, सभासद पल्लवी मठकर, मैथिली जाधव व इतर सभासद उपस्थित होते.
