कणकवली-हळवल फाटा येथे ट्रेलरला अपघात.....चालक गंभीर जखमी
konkansamwad
Sep 10, 2025 02:52
159
0
कणकवली
मुंबई-गोवा महामार्गावर मुंबई ते गोवा जाणारा १८ चाकी ट्रेलर उड्डाण पुलावरून भरधाव वेगाने आल्याने येथील तीव्र वळणावर पलटी झाला. यात ट्रेलर चालक गंभीर जखमी झाला होता. दरम्यान चालकाला येथील कणकवली उपजिल्हा रुग्णालयात उपचारासाठी दाखल करण्यात आले. अपघाताची माहिती मिळताच कणकवली पोलीस ठाण्याचे पोलीस निरीक्षक तेजस नलावडे, पोलीस हवालदार मिठबावकर, वाहतूक पोलीस हवालदार विनोद चव्हाण, दिलीप पाटील, पोलीस उपनिरीक्षक महेश शेडगे, महामार्ग वाहतूक पोलीस सहाय्यक पोलीस उपनिरीक्षक प्रकाश गवस, हेड कॉन्स्टेबल एकनाथ सरमळकर, चालक पालिस हवालदार निलेश सोनवणे, पोलीस नाईक नितीन शेट्ये, पोलीस कॉन्स्टेबल सागर परब यांनी घटनास्थळी धाव घेतली. दरम्यान पलटी झालेला ट्रेलर क्रेनच्या सहाय्याने बाजूला करण्यात आला.
