वेंगुर्ला येथे आयोजित स्विफ्ट लेटची साद कार्यक्रमाला उत्स्फूर्त प्रतिसाद.

वेंगुर्ला.

   मधुसूदन कालेलकर बहुउद्देशीय सभागृह, वेंगुर्ला येथे 15 डिसेंबर 2023 रोजी सकाळी ठीक १०.०० वाजता माझी वसुंधरा ४.० अंतर्गत वेंगुर्ला नगरपरिषद आणि बॅ. बाळासाहेब खर्डेकर महाविद्यालय, वेंगुर्ला तसेच Round Glass Sustaion आणि SACON यांच्या संयुक्त विद्यमाने कार्यक्रम आयोजित करण्यात आला होता.
   सलीम अली सेंटर फॉर ऑर्निथोलॉजी अँड नॅचरल हिस्ट्री (SACON) ने गेल्या चार वर्षांपासून महाराष्ट्रातील पश्चिम घाट, पश्चिम किनारा आणि समुद्रकिनारी असलेल्या बेटांवर भारतीय स्विफ्टलेटचे संवर्धन करण्यासाठी सतत प्रयत्न केले आहेत. सिंधुदुर्गातील वेंगुर्ला खडकातील इंडियन स्विफ्टलेटवरील त्यांचे संशोधन विशेष आणि प्रशंसनीय आहे.
   सलीम अली पक्षीशास्त्र आणि नैसर्गिक इतिहास केंद्र, तसेच वेंगुर्ला नगरपरिषदेसह बॅ. बाळासाहेब खर्डेकर महाविद्यालय, वेंगुर्ला यांनी लोकांच्या हृदयापर्यंत पोहोचण्याचा प्रयत्न केला. डॉ. शिरीष मांची आणि धनुषा कावलकर, सॅकॉन, कोईम्बतूर यांनी सर्वांना भारतीय स्विफ्टलेट आणि अधिवासा ओळख करून दिली. एकत्रित प्रयत्नांमुळे प्रजातींचे संवर्धन आणि अधिवास यात कशी मदत होऊ शकते याबद्दल संबोधित केले.
   लोकांपर्यंत पोहोचणे आणि त्यांना संवर्धन प्रक्रियेत थेट मदत करू शकणार्‍या वन्यजीवांबद्दल त्यांना संवेदनशील करणे हे आपले प्रमुख कर्तव्य आहे.असे मत यावेळी कार्यक्रमाचे प्रमुख पाहुणे वेंगुर्ला नगरपरिषदेचे मुख्याधिकारी श्री.परितोष कंकाळ यांनी व्यक्त केले.
   या कार्यक्रमाचे अध्यक्ष बॅ. बाळासाहेब खर्डेकर महाविद्यालयचे प्राचार्य डॉ. एम. बी. चौगुले यांनी डॉ. शिरीष मांची आणि धनुषा कावलकर, सॅकॉन, कोईम्बतूर यांचे स्विफ्टलेट विषयी विद्यार्थ्यांना माहिती दिल्याबद्दल विशेष कौतुक केले. तसेच भारतीय स्विफ्टलेटवर राऊंड ग्लास सस्टेनने सुंदर माहितीपट बनवल्याबद्दल त्यांचेही आभार मानले.कार्यक्रमास महाविद्यालयीन विद्यार्थी,कोकण इको टुरिझम क्लब चे सदस्य मोठया संख्येने उपस्थित होते.
  या कार्यक्रमासाठी विशेष सहकार्य वनस्पतिशात्र विभागप्रमुख डॉ. डी. एस. पाटील मॅडम यांचे लाभले. कार्यक्रमाचे सूत्रसंचालन हिंदी विभाग प्रमुख प्रा. नंदगिरीकर यांनी केले तर आभार गणेश राऊळ यांनी मानले.