सोनचीरैया शहर उपजिविका केंद्र वेंगुर्ला चे मुख्याधिकारी परितोष कंकाळ यांच्या हस्ते उद्घाटन.
konkansamwad
Dec 14, 2023 10:31
323
0
वेंगुर्ला.
दीनदयाळ अंत्योदय योजना- राष्ट्रीय नागरी उपजीविका अभियान अंतर्गत हिरकणी शहर स्तर संघ यांच्या माध्यमातून सोनचीरैया शहर उपजिविका केंद्र, वेंगुर्ला चे उद्घाटन वेंगुर्ला नगरपरिषदेचे मुख्याधिकारी श्री. परितोष कंकाळ यांच्या शुभहस्ते करण्यात आले.
याप्रसंगी दैनिक तरुण भारतचे सिंधुदुर्ग- रत्नागिरी संपादक शेखर सामंत, माजी नगराध्यक्ष श्री.दिलीप गिरप, माजी नगरसेवक श्री.प्रशांत आपटे, प्रशासकीय अधिकारी सौ. संगिता कुबल, सहा.प्रकल्प अधिकारी विलास ठुंबरे, समूह संघटक अतुल आडसूळ, व हिरकणी शहरस्तर संघाच्या शामल केनवडेकर, सौ. स्वाती बेस्ता, सुहानी जाधव, वैभवी पालव, सौ. मेघा पडते, सौ. सुशिला रेडकर, शिवानी ताम्हणेकर, गितांजली जाधव, व बचत गटाच्या बहुसंख्य महिला उपस्थित होत्या.
महिला बचत गटाने उत्पादित केलेल्या वस्तूंच्या प्रदर्शन व विक्रीसाठी बाजारपेठ उपलब्ध व्हावी या उदात्त हेतूने वेंगुर्ला येथील नाटककार मधुसुदन कालेलकर सभागृह येथे सोनचीरैया शहर उपजिविका केंद्राची स्थापना करण्यात आली. त्याचबरोबर भविष्यात महा ई सेवा केंद्र, झेरॉक्स सेंटर, लॅमिनेशन इ. सुविधा उपलब्ध करुन देण्याचे प्रयोजन आहे. यामधून शहरातील महिलांना मुख्य प्रवाहात आणून रोजगार निर्मिती करणे हा मुख्य उद्देश असल्याचे मत मुख्याधिकारी परितोष कंकाळ यांनी व्यक्त केले.
