तेलंगणा निवडणुकीच्या पार्श्वभूमीवर काँग्रेस चा 'अभय हस्तम' जाहीरनामा प्रसिद्ध.
konkansamwad
Nov 18, 2023 11:19
185
0
हैदराबाद.
तेलंगणा विधानसभा निवडणुकांच्या पार्श्वभूमीवर त्या राज्यासाठी काँग्रेसने जाहीरनामा प्रसिद्ध केला. त्यामध्ये काँग्रेसने जनतेला सहा आश्वासने दिली आहेत. काँग्रेसने आपल्या जाहीरनाम्याला 'अभय हस्तम' असे नाव दिले आहे. काँग्रेसचे पक्षाध्यक्ष मल्लिकार्जुन खरगे यांनी सांगितले की, तेलंगणामध्ये वाहणारे वारे पाहता या विधानसभा निवडणुकांत काँग्रेस विजयी होण्याची शक्यता आहे.काँग्रेस सत्तेवर आल्यास महिलांना दरमहा २,५०० रुपयांची मदत तसेच स्वयंपाकाच्या गॅससाठी दरमहा ५०० रुपये देण्यात येतील. प्रत्येक घराला २०० युनिट वीज मोफत दिली जाईल, असेही या ४२ पानांच्या जाहीरनाम्यात म्हटले आहे.काँग्रेसने दिलेल्या आश्वासनांची कर्नाटकात अंमलबजावणी केली आहे, याकडेही खरगे यांनी लक्ष वेधले.
