खर्डेकर महाविद्यालयाच्या प्राचार्य पदी डॉ.एम.बी.चौगुले.
konkansamwad
Nov 9, 2023 07:59
235
0
वेंगुर्ला.
येथील शिक्षण प्रसारक मंडळ कोल्हापूर संचलित बॅ. बाळासाहेब खर्डेकर महाविद्यालयाच्या प्रभारी प्राचार्य पदी डॉ.एम.बी.चौगुले यांची संस्थेच्या वतीने नियुक्ती करण्यात आली.
डॉ. एम. बी. चौगले हे सेवाजेष्ठ प्राध्यापक असून गेली कित्येक वर्ष अर्थशास्त्र विषयाचे अध्यापन करत आहेत. महाविद्यालयातील अनेक समितीवर त्यांनी प्रभावीपणे काम केलेलं असून गेली दहा वर्ष ते यशवंतराव मुक्त विद्यापीठ नाशिकचे केंद्र संयोजक म्हणून जबाबदारी पार पाडत आहेत. त्यांच्या या निवडीबद्दल शिक्षण प्रसारक मंडळ कोल्हापूरचे सचिव प्रा. जयकुमार देसाई, संस्थेच्या अध्यक्ष शिवानी देसाई, चेअरमन डॉ. मंजिरी मोरे- देसाई, पेट्रन कौन्सिल मेंबर दौलतराव देसाई यांनी विशेष अभिनंदन करून वाटचालीस शुभेच्छा दिल्या. माजी प्राचार्य डॉ. आनंद बांदेकर यांच्या हस्ते डॉ. चौगले यांना नियुक्ती पत्र प्रदान करण्यात आले. यावेळी कनिष्ठ व वरिष्ठ महाविद्यालय व व्यावसायिक अभ्यासक्रमाचे प्राध्यापक, शिक्षकेतर कर्मचारी आदी उपस्थित होते.
सर्वांनी प्राचार्य पदी नियुक्ती झाल्याबद्दल डॉ. चौगुले यांना शुभेच्छा दिल्या व अभिनंदन केले. संस्थेने आपणावर दिलेली जबाबदारी ओळखून आपण महाविद्यालयाच्या प्रगतीमध्ये सदैव हातभार लावू असे प्रतिपादन नूतन प्राचार्य डॉ. एम. बी. चौगले यांनी केले.
