वेंगुर्ला तालुक्यातील शेतकऱ्यांनी भात पिकासाठी १ रुपया पीक विमा योजनेचा लाभ घ्यावा : ओंकार ओतारी. वेंगुर्ला येथे प्रधानमंत्री पिक विमा योजनेअंतर्गत तहसीलदारांच्या हस्ते चित्ररथाचे उद्घाटन.
Konkan Samwad
Jul 24, 2023 11:48
608
0
वेंगुर्ला.
प्रधानमंत्री पिक विमा योजनेअंतर्गत चित्ररथाचे उद्घाटन वेंगुर्ला तहसीलदार ओंकार ओतारी यांचे हस्ते नुकतेच करण्यात आले.
यावेळी प्रधानमंत्री पिक विमा योजना खरीप 2023 साठी वेंगुर्ला तालुक्यातील सर्व शेतकऱ्यांना आवाहन करण्यात येते की भात पिकासाठी नाममात्र एक रुपये किमतीमध्ये विमा योजना कार्यान्वित करण्यात आली असून सदर योजनेत अर्ज करण्याची अंतिम तारीख 31 जुलै 2023 आहे .इच्छुक शेतकऱ्यांनी आपला सातबार ,बँक पासबुक, पीक पेरा स्वयंघोषणापत्र सह सीएससी सेंटर, पिक विमा कंपनीचे पोर्टल किंवा पिक विमा ॲपद्वारे नोंदणी करावी. सिंधुदुर्ग जिल्ह्यासाठी युनायटेड इंडिया इन्शुरन्स कंपनी यांची विमा कंपनी म्हणून निवड करण्यात आली आहे.याप्रसंगी तहसीलदार वेंगुर्ला व तालुका कृषी अधिकारी वेंगुर्ला यांनी संयुक्तपणे प्रधानमंत्री पिक विमा योजना व ई पीक पाहणी कार्यक्रमाबद्दल सविस्तर माहिती दिली.
यावेळी तालुका कृषी अधिकारी वेंगुर्ला निरंजन देसाई, नायब तहसीलदार अभिजित हजारे, कृषी पर्यवेक्षक एस बी देसाई, कृषी पर्यवेक्षक एस ए नाईक, कृषी पर्यवेक्षक विश्वनाथ शिवपुरे ,तंत्र सहाय्यक राजू गव्हाणे, कृषी सहाय्यक लाडू जाधव, सुरज परब, विमा प्रतिनिधी नयन सावंत व पत्रकार आदी उपस्थित होते.
