भूसंपादन मोबदला वाटपासाठी विशेष कॅम्पचे आयोजन

सिंधुदुर्गनगरी

         लघु पाटबंधारे योजना, कुंभवडे यांचा भूसंपादन प्रस्ताव क्र. 12/2019 अंतर्गत खातेदारांना मोबदला वाटप करण्यासाठी दिनांक 7 ते 10 ऑक्टोबर 2025 या कालावधीत सकाळी 11 वाजता ग्रामपंचायत कार्यालय, कुंभवडे येथे विशेष कॅम्प आयोजित करण्यात आले आहे.याबाबत उपविभागीय जलसंधारण अधिकारी स. शिरोडकर यांनी माहिती दिली आहे. संबंधित खातेदारांची यादी तलाठी आणि ग्रामपंचायत कार्यालयात प्रसिद्ध करण्यात आलेली असून, खातेदारांनी आवश्यक कागदपत्रांसह नमूद दिवशी मोबदला स्विकारण्यासाठी उपस्थित रहावे. मोबदला वाटपाची कार्यवाही उपजिल्हाधिकारी (भूसंपादन), जिल्हा मुख्यालय, सिंधुदुर्ग यांच्या मार्गदर्शनाखाली केली जाणार आहे.

आवश्यक कागदपत्रे

रेशनकार्ड झेरॉक्स प्रत
खातेदाराचा 1 फोटो
निवडणूक ओळखपत्र
पॅनकार्ड
आधारकार्ड
राष्ट्रीयकृत बँक पासबुक झेरॉक्स प्रत
रद्द झालेला धनादेश
बोजा विरहीत अद्यावत 7/12
जर 7/12 मध्ये इतर हक्क असल्यास संबंधित संस्था/बँकेचे नाहरकत दाखला
खातेदार मयत असल्यास वारस हक्काचा पुरावा
खातेदार 18 वर्षाखालील असल्यास पालन-पोषण करणाऱ्याचे नाव असलेले सरपंचांचा दाखला
विवाहित महिला असल्यास नावात बदल असल्याचे पुरावा (विवाहनोंदणी दाखला/लग्नपत्रिका, महाराष्ट्र शासन राजपत्र)

        सदर कागदपत्रांसह उपस्थित रहावे असे आवाहन करण्यात आले आहे.