राजे प्रतिष्ठान कामगार सेनेच्या उत्कृष्ट कार्याची दखल.......सचिन जुवाटकर यांचा दौरा

सावंतवाडी

       राजे प्रतिष्ठान कामगार सेना महाराष्ट्र प्रदेश, सिंधुदुर्ग कार्यालयास चित्रपट सेनेचे सचिन जुवाटकर यांनी भेट दिली. या भेटीदरम्यान त्यांनी संघटनेच्या कार्याची प्रशंसा करत सांगितले की, “तुमच्या संघटनेचे काम अत्यंत उत्कृष्ट आहे. या कार्याची दखल खासदार उदयनराजे भोसले यांनी घेतली असून लवकरच संघटनेचा सत्कार करण्यात येईल.”
      यावेळी संघटनेचे खजिनदार ज्ञानेश्वर पारधी यांच्या सामाजिक कार्याचा विशेष उल्लेख करण्यात आला. त्यांनी एका हरवलेल्या तरुणाला शोधून कुटुंबीयांच्या ताब्यात सुरक्षित सुपूर्द केले तसेच एका प्रवाशाचे हरवलेले ₹५०,००० रुपये परत देऊन मानवतेचे उदाहरण घातले. त्यांच्या या कार्याबद्दल त्यांचा विशेष सत्कार करण्यात आला.
     कार्यक्रमाला संघटनेचे चित्रपट सेना सरचिटणीस सचिन  राणे, विधानसभा संपर्क अध्यक्ष महेश परब, तालुका अध्यक्ष मिलिंद सावंत, शहराध्यक्ष राजू कासकर, जिल्हाध्यक्ष संतोष तळवणेकर, संपर्कप्रमुख शिवा गावडे, सहसचिव डॉ. रमाकांत गावडे तसेच महिला पदाधिकारी पूजा गावडे, पूजा सोन्सुरकर, संचिता गावडे, दर्शना राणे, सेजल पेडणेकर, प्रणिता सावंत, कल्पना सावंत, रूपाली रेडकर आणि अनेक कार्यकर्ते उपस्थित होते.
        कार्यक्रमाचे सूत्रसंचालन डॉ. रमाकांत गावडे यांनी केले, तर आभार प्रदर्शन शिवा गावडे यांनी मानले. सिंधुदुर्ग जिल्ह्यातील सर्व पदाधिकारी, सदस्य आणि कार्यकर्त्यांच्या उपस्थितीत कार्यक्रम उत्साहात पार पडला.