बॅ. बाळासाहेब खर्डेकर महाविद्यालयात राष्ट्रीय क्रीडा दिन साजरा
konkansamwad
Aug 29, 2025 10:05
63
0
वेंगुर्ला
बॅ. बाळासाहेब खर्डेकर महाविद्यालयात मेजर ध्यानचंद यांचा जन्म दिवस म्हणजेच राष्ट्रीय क्रीडा दिन साजरा करण्यात आला. याप्रसंगी जिमखाना प्रमुख व्हि. पी. देसाई यांनी मेजर ध्यानचंद यांच्या प्रतिमेस पुष्पहार अर्पण केला. या क्रीडादिनानिमित्त महाविद्यालयाचे प्राचार्य डॉ. गोस्वामी, पर्यवेक्षक डी. जे. शितोळे, संस्था प्रतिनिधी सुरेंद्र चव्हाण यांनी शुभेच्छा दिल्या. क्रीडा संचालक जे. वाय. नाईक यांनी मेजर ध्यानचंद यांच्या जीवनातील विविध पैलूंवर प्रकाश टाकत आपल्या भावना व्यक्त केल्या. यावेळी महाविद्यालयाची विद्यापीठ पदक प्राप्त खेळाडू गायत्री राणे हिचा सन्मान करण्यात आला. कार्यक्रमाचे सूत्रसंचलन क्रीडा शिक्षक वासुदेव गावडे तर आभार हेमंत गावडे यांनी केले. या प्रसंगी शिक्षक शिक्षकेतर कर्मचारी उपस्थित होते.
