सावंतवाडी शहरात आमदार दिपक केसरकर प्रचाराला मैदानात
konkansamwad
Nov 24, 2025 12:59
177
0
सावंतवाडी
आमदार दीपक केसरकर यांनी सावंतवाडी शहरात प्रचाराला जोरदार सुरुवात केली आहे. त्यांनी विशेषतः कॉर्नर बैठकांवर लक्ष केंद्रित केले आहे. यावेळी बोलताना, नगराध्यक्ष पदाच्या उमेदवार ॲड. निता सावंत-कविटकर यांच्यासह सर्व २० नगरसेवक मोठ्या फरकाने विजयी होतील, असा ठाम विश्वास त्यांनी व्यक्त केला.बाहेरचावाडा परिसरातील प्रभाग १ आणि ४ मध्ये श्री. केसरकर यांनी उत्साहाने प्रचार केला आणि आपली राजकीय ताकद दाखवून दिली. त्यांनी नगराध्यक्षपदाच्या उमेदवार ॲड. निता सावंत-कविटकर यांच्यासाठी मतदारांना आवाहन केले.
या भागातील नगरसेवक पदाचे उमेदवार ॲड. सायली दुभाषी, प्रसाद नाईक, हर्षा जाधव आणि बासिर पडवेकर यांना जनता मोठ्या मताधिक्याने निवडून देईल, असे श्री. केसरकर म्हणाले. या प्रचार दौऱ्यादरम्यान शहरप्रमुख खेमराज उर्फ बाबू कुडतरकर, माजी नगरसेवक नासिर शेख, काशिनाथ दुभाषी, आबा केसरकर, सचिन साटेलकर आदींसह पक्षाचे पदाधिकारी आणि कार्यकर्ते मोठ्या संख्येने उपस्थित होते.
