वेंगुर्ला पोलीस ठाणे हददीतील परप्रांतीय कामगार, नेपाळी कामगार व परदेशी नागरीकांची माहिती देण्याचे आवाहन.

वेंगुर्ला.

  सिंधुदुर्ग जिल्हयात तसेच वेंगुर्ला पोलीस ठाणे हददीत वेग-वेगळया कामासाठी मोठ्या प्रमाणात परप्रांतीय नागरीक व नेपाळमधून कामगार येत असतात. सदर कामगार हे थोडे दिवस काम करुन परत आपल्या गावी निघून जातात.अशा प्रकारे येणारे इसम हे आंबा बागायतदार, बिल्डींग कॉन्ट्रॅक्टर, रस्त्याचे ठेकेदार इत्यादी यांच्याकडे कामासाठी येवून घर भाडयाने घेवून रहातात, सदर परप्रांतीय कामगारांमधील काही इसम हे आपल्या मूळ गावी गुन्हयाचे कृत्य करुन लपण्यासाठी बाहेर कामास येतात.तसेच काही कामगार हे सिंधुदुर्ग जिल्हयात गुन्हयाचे कृत्य करुन पलायन करतात. सदर कामगारांबाबत कोणतीही माहिती उपलब्ध नसल्याने, त्यांचा शोध घेणे कठिण होवून जाते.
   वेंगुर्ला पोलीस ठाणे हददीतील सर्व आंबा बागायतदार, काजू बागायतदार, रस्ते व बिल्डींग कॉन्ट्रेक्टर, घर भाडयाने देणारे इसम इत्यांदींना यांना याव्दारे आवाहन करण्यात येते की, आपल्याकडे अशा प्रकारे कामासाठी आलेल्या व घर भाडयोन घेवून रहात असलेल्या सर्व परप्रांतीय तसेच नेपाळी नागरीकांबाबतची माहिती त्यांचेकडे असलेल्या कागदपत्रांसह पोलीस ठाणे येथे नोंदविणे बंधनकारक आहे.
   तसेच वेंगुर्ला पोलीस ठाणे हददीत असलेल्या पर्यटन स्थळांना भेटी देण्यासाठी मोठया प्रमाणात परदेशी नागरीक येवून, ते हॉटेल-लॉजेस, अथवा घर भाडयाने घेवून मुक्काम करतात, अशा परदेशी नागरीकांचे सी फॉर्म भरुन त्यांची माहिती पोलीस ठाणे येथे देणे बंधणकारक आहे.
   तरी सर्वांनी परकीय नागरीक पर्यटक, परप्रांतीय कामगार, नेपाळी नागरीक याबाबतची माहिती पोलीस ठाणे येथे देण्यास टाळाटाळ केली अथवा कळविली नाही, तर अशा व्यक्तीं विरुध्द प्रचलीत कायदयानुसार योग्य ती कायदेशिर कारवाई करण्यात येईल याबाबत सर्व नागरीकांनी नोंद घेवून पोलीस प्रशासनास सहकार्य करावे.