तुळस येथे २७ ऑक्टोबर रोजी रक्तदान शिबिराचे आयोजन.
konkansamwad
Oct 25, 2024 05:55
166
0
वेंगुर्लेः
वेताळ प्रतिष्ठान सिंधुदुर्ग तुळस, सिद्धार्थ कलाविष्कार युवक मंडळ तुळस, सिंधू रक्तमित्र प्रतिष्ठान, सिंधुदुर्ग यांच्या संयुक्त विद्यमाने आणि रक्तपेढी ओरोस यांच्या सहकार्याने रविवार २७ ऑक्टोबर २०२४ रोजी सकाळी ९.०० वा. श्रीमंत पार्वतीदेवी वाचनालय, तुळस (तुळस श्रीदेव जैतिराश्रित संस्था मुंबई, बहुउद्देशीय सभागृह) येथे रक्तदान शिबिराचे आयोजन करण्यात आले आहे.
सद्यस्थितीत जिल्ह्यात रक्ताची गरज लक्षात घेऊन सलग २७ व्या रक्तदान शिबिराचे आयोजन करण्यात आले आहे. या रक्तदान शिबिरात जे दाते रक्तदान करणार आहेत त्यांना प्रसिद्ध चित्रकार वामन तुळसकर हे रक्तदात्यांचे स्केच काढून भेट देणार आहेत. तरी रक्तदान शिबिरास उपस्थित राहून इच्छुक रक्तदात्यांनी रक्तदान करून सहकार्य करावे तसेच नावनोंदणी व अधिक माहितीसाठी महेश राऊळ (९५०५९३३९१२) यांच्याशी संपर्क साधावा असे आवाहन प्रतिष्ठान चे अध्यक्ष विवेक तिरोडकर आणि, सिद्धार्थ कलाविष्कार युवक मंडळ आणि सिंधू रक्त प्रतिष्ठान यांच्या वतीने करण्यात आले आहे.
