कुडाळ कुंभारवाडा प्रशालेत अभुतपूर्व शाळा पूर्वतयारी मेळावा उत्साहात संपन्न.
konkansamwad
Apr 25, 2024 12:04
71
0
कुडाळ.
पी.एम.श्री.जि.प.प्राथमिक शाळा कुडाळ कुंभारवाडा येथे शाळा पूर्वतयारी मेळावा उत्साहात संपन्न झाला.याप्रसंगी मुलांची रिमोटवरील चारचाकी गाडीतून ताशांच्या गजरात मिरवणूक काढण्यात आली. शाळेच्या मुख्या.श्रीम.स्वप्नाली सावंत, शा.व्य. स.अध्यक्षा सुनिता अढाव व सर्व शिक्षकवृंद यांनी मुलांचे औक्षण केले. पुष्प देऊन विद्यार्थ्यांना त्यांच्या नावाचे कार्ड लावून केळी व लाडू देऊन तोंड गोड केले. जिल्हा परिषदेचा गुढीपाडवा पटसंख्या वाढवा या उपक्रमाअंतर्गत मुलांच्या नावाची गुढी शाळेच्या पटांगणात उभारण्यात आली. अभुतपूर्व अशा स्वागत सोहळ्याने विद्यार्थी व पालक भारावून गेले.
इयत्ता पहिलीत दाखल होणाऱ्या मुलांची नाव नोंदणी करून शारीरिक विकास, बौद्धिक विकास, सामाजिक व भावनिक विकास, भाषा व गणनपूर्व तयारी याबाबत मुल्यांकन करून संबंधित पालकांना समुपदेशन करण्यात आले.माता पालक श्रीम.ममता मयेकर व रसिका सावंत यांनी आपले व पाल्याचे अनुभव मनोगतातून व्यक्त केले.प्राची आंगणे यांनी आभार मानले. कार्यक्रमासाठी शा.व्यव.स.अध्यक्ष श्रीम.आढाव, उपाध्यक्ष श्री. पाटील, शिक्षण तज्ञ श्री. राऊळ, ममता मयेकर, शा.व्य.स.सदस्य, माता पालक संघ सदस्य, शिक्षक पालक संघ सदस्य , अंगणवाडी सेविका, मुख्याध्यापक स्वप्नाली सावंत, उपशिक्षक प्राची आंगणे, सायली कदम, गौरी गोसावी, चैताली पाटील, ऋतुजा गावडे, स्वराली लाड, रसिका सावंत जान्हवी केळबाईकर, पालक व ग्रामस्थ उपस्थित होते.
